اخترنا لكم شعر نبطي وفصيح

اتنقّى من فريد القاف غالي
عادةٍ لي يوم جا للبدع فاقه

فوق خد البوك اسطر ماطرالي
بيني وبين الشعر فن وعلاقه

كنّي الوالد وكنّه من عيالي
ومن غلاته ضفت انا اسمه فالبطاقه

يا ابو دانه مابقى فيها مجالي
وانت تدري وش مواجيب الرفاقه

يا ابو دانه مابقى فيها احتمالي
والصبر لو طال مر ٍ في مذاقه

انت تدري عن تفاصيل المقالي
وانت ما تجهل حديث ٍ في سياقه

الجمل دربه مع دروب الجمالي
والدوا قد قيل ما فاد الحماقه

والمراجل ماهي بخشم الريالي
والمطفّق ما يكبون الطفاقه

والدنافس مالها غير الحثالي
والبحر لو ديّس ما يخلف زراقه

ماجرالي يا ابو دانه ما جرالي
صك طاقه تنفتح الفين طاقه

خاب ظني فالبعيد وفالموالي
ومن يطيح يهاب درب الانزلاقه

.....

لا صرت غالي لا تغلى وانا اخوك
سيب التغلي عنك لا صرت غالي

روحي وقلبي يوم قفيَّت نادوك
يابعد من يشغل ليا غاب بالي

فكر ومرة نادهم كان لبَّوك
والا عليهم صيح وبصوت عالي

انا الوحيد اللي مشالك على الشوك
وان صحت جيتك مندفع لو لحالي

ياصاح تكفى لا تعذرب على اخوك
جتني الهموم وكل همن طرالي

جتني الهموم وداخلي قلب مصكوك
مصكوك صكة بس ياويل حالي

هذا خويك داخله هم مركوك
يخفيه عنَّك وانت مسرور خالي

.....

قبالين يا خطٍ قريته وطاب الجاش
أخشه و أرد أقراه و أقراه وأخشه

يضمد جروحي دون أداوي و قطن و شاش
سقا العافيه للجلد و العظم و المشه

أيدهده على قلبٍ بجوف الحشا منداش
و يبري سقم كبدٍ من الحزن منطشه

.....

يلوفني عن مقاصد خاطري لايف
وأمشي مع الدرب وعيوني لمرجاعي

لاعاد تنشد عيوني ويش أنا شايف
مافي عيوني يسولف لك عن أوضاعي

.....

الحياة أفراح وأحزان ودروس وعبر
والتجارب صفحة ايامنا وكتابها

مهما زاد الشخص في المال والعز وكبر
وأهدته شهوات نفسه جديد ثيابها

وأبرقت له زيف الأيام وأغرته وعبر
المصير أرضه يلحّف عليه ترابها

والمصايب حملها سم ودواها الصبر
ورحمة الله دون خلقه ما سكر بابها

وعن حياة الآدمي شيمته تبعد شبر
وان فقد من شيمته شي نفسه عافها

وانقبر في الغيب لو ما توفى وانقبر
والحياة اللي بها نقص من يرضى بها

.....

ما نيب مجازيك في صدك وهجرانك
ودعتك الله وتلقى واحد ثاني

أتعبت الأعيان والأقدام من شانك
وأنت ولا شيء سويته على شاني

فزيت لك يوم قلت أسمك وعنوانك
لو كان ما تنتمي لأسمي وعنواني

ما جيت أدورك ولا أطق بيبانك
وإلا ترجاك مثل فلان وفلاني

أنت الذي جيت لي وأعلنت بلسانك
أنك على شوفتي جايع وعطشاني

صدقت هرجك ومنطوقك من لسانك
وأقبلت لك مندفع من كل وجداني

ما كنت أفكر يجي في يوم نسيانك
وأنساك وأنت معاهدني ما تنساني

إلا بعد ما قريت الكذب في أعيانك
حاولت أوادعك وأنسى كل ما جاني

خلاص ما نيب متعني على شانك
ودعتك الله وتلقى واحد ثاني

.....

يا بنت أنا قلبي من البعد محروق
لا تحسبين أني قطعت العلاقه

محبتك في القلب و ابراجها فوق
تشيل صوت اسمك في حلم الصداقه

محبتن ما شالها كل مخلوق
بطاقتن يا حيها من بطاقه

يسوقني طاريك لمشاهدتك شوق
واشفق على لمست يدينك اشفاقه

و الصبر زين و كل مطرود ملحوق
شرهت قدم رجلي على عظم ساقه

زرعت لك زرع له اثمار وعروق
وقدمت لك من زهرت العمر باقه

وان كان عندك شك لا ناشك العود
في قلبي الي لك يزيد اشتياقه

الشوق مشتاق اكثر من الشوق
شوق ابدوي ضاعت نياقه

.....

ما كنت احسب لوقتي والليالي احساب
ولا كنت افكر وش اللي في زماني يصير

الا بعد ما نصفت العمر والراس شاب
وفقدت من ربعي الادنين جمعٍ غفير

عرفت ان الحياة مصارعه واكتئاب
واني مودع ولالي غير ربي نصير

ومن لا تزهب من التقوى لنفسه زهاب
لا مات وش حجته يوم النهار الكبير

فالموقف الي مافيه امجادله وانسحاب
منهوله لهاك النهار يشيب راس الغرير

لكن اليا اذنب نبي آدم واعترف ثم تاب
الله يغفر الذنوب وينصر المستجير

.....

الصاحب الي دونه الحزم ممدود
بقصى جبالن حيدها عارضن لي

ارسل مراسيله يبى العلم موكود
يا ليت مرسوله جلس ما وصلي

عقب السنين مشيبة كل مولود
اليوم من فرقاه دمعي يهلي

ياسعود قلبي راح ماعنه منشود
كب الظلوع وراح مرواح خلي

.....

تسابق زمان المجد بالفكر والتطوير
وتعطي لنا الواقع بصورة حقيقية

ومع كل مطلع عام ترسم لنا تغيير
يبدد عناء الروتين بالفكرة الحيه

تشجع وتعطي درس وافي بلا تقصير
وهذا ديدن الروس الكبار القياديه

لك الراية البيضاء مع الشكر والتقدير
يقولونه اهل البل جهارا علانيه

.....