فوق هام السحب ( الشعر الشعبي) على متن القوافي

‏مدري وش الي مزعل الوقت مني
‏راحت حياتي بين حزن وتناهيت

‏ماينتهي حزني ولو ضحك سني
‏ولا سارت الدنيا على ماتمنيت

‏لا أظلم علي الليل حسيت كني
‏مالي أهل مالي قرايب ولا بيت

‏الليل موحش وأخلف الوقت ضني
‏وعلى كثر ماقد تونست عانيت

‏مظلتي ماتحجب الحزن عني
‏حتى لو أني عن غثا حزني أقفيت

....

الكامل الله والخطا طبع الإنسان
والدرب يفرق يساره عن يمينه

والصاحب اللي له معزه وله شان
إن جاني بشينه تذكرت زينه

....

بعض الخساير تعتبر شبه مكسب
وبعض المكاسب ماوراها من ارباح

وان كنت تبغى لك نصيحة مجرب
اترك كلام الناس سايح وسواح

من كان همه يرضي الناس يتعب
ومن كان همه في رضى الله يرتاح

....

ياقوّ قلبي يوم صديت قوّاه
عن الذي اموت ولا تركته

الخاطر اليا طاب اعوذ بالله
لو كان باقي لي كلامً شرحته

لعلّها خيره بما اختارها الله
على كثر ماكنت احبه كرهته

....

يارب وسع خاطر العبد لاضاق
ماغيرك اللي عالمٍ ماخفينا

يارب أجرنا على حسن الأخلاق
وعند الخطا يارب تستر علينا

....

كلن يعبر في الدنيا عن الحال
ناس لھا بالشعر وناس خواطر

وناس هواها بالمعاني والامثال
وناس اتلاعب بالهوى والمشاعر

....

‏غير الوفاء والطيب لاماتخيّرت
‏لو مالت الأيام ماني بمايل

‏باقي على ساق الوفاء ماتغيّرت
‏تسوقني الشيمة وأسوق الجمايل

....

اتعب على الطيب ترى رفقته عز
‏والاّ الردي مافاد نفسه يفيدك
‏
‏الصاحب اللي لا لمح جيّتك فز
‏هذا الذي لازم تعدّه عضيدك

....

الليالي عيّفتني وأنا طبعي عيوف
لين نفسي فضلّت صبرها وسكاتها

شي من حدة مزاجي وشي من الظروف
ومتشبّع من ضجيج البشر وأصواتها

شيهانه السبيعي

ماكل خاطر نبي نتبع مراعاته
بعض الخواطر حرام انك تراعيها

اللي يقدّمك عن كل اهتماماته
حاول تقدّم له الدنيا بما فيها

....