فوق هام السحب ( الشعر الشعبي) على متن القوافي

مانّي بمحتاجه نصايح من الناس
ابوي رباني على العِز والطيبّ

ابوح على كّيفي واغرد من الرَاس
ومجنبه نفسيِ عن اللي بهم عّيب

....

اغْنَ عن المخلوق بالخالقِ
وَاغْنَ عِن الكاذبِ بالصَادِقِ

واسترزِق الرَحمنَ مِن فَضلهِ
فَليسَ غيرَ الله مِن رَازِقِ

مَن ظنَّ أن الرِزقَ في كفِّهِ
فَليسَ بالرَحمنِ بالواثقِ

أو ظنَّ أنَّ الناس يُغنونهُ
زلَّت بهِ النَعلان مِن حَالقِ

....

‏عندي قصيده حب ماله حبيبه
وعندي مشاعر حب من غير خلّان

ياللي لكم احباب حسّوا لهيبه
احساس شاعر بعض الاحيان فنّان

كتبتها من جرح عانا طبيبه
اسال مجرب واترك فلان وفلان

بالحب ندفع للمدامع ضريبه
اللّي دفع للحب يعطيني برهان

انا عجيب وقصتي مو عجيبه
حبّيت لى انسان ماهو بأنسان

....

‏ياطير في عالي سماك ايش الاخبار
هل من خبــر ياطيــر للي عشقته

ذاك الذي له داخل القلب مقدار
بالله هــل ناظـــرت زوله وشفته

لامـــــر لك قله انا حيـــل منهار
من كثر غيباته ترى العيش عفته

وقله انا عايــــش بدونه على نار
وخايف اموت بيـوم ماقد نظرته

....

احيان عـن معنــى المحبــة لـي ابيات
واحيان عـن شـوقي ولهـفــة ســروري

احيان اعھتب عن مدى الضيق حـالات
واحيــان همــي ينقطــع بـه حـظـــوري

....

‏لو طلبت الروح خذ روحــي هديه
وان طلبت القلب خذ قلبي فداك

انت اغلا مـن معـــي بين البريه
مامعــي مخلوق يتساهل غلاك

قلتها لك والقسـم من طيب نيه
من شعور انسان ميت في هواك

ولو تحب اكتب على هذا وصيه
مستعد اوصـي لهم كلي فداك

....

‏عن الغلاء والذوق تبقى الوحيد انت
لك قــدر فـي قلبي وهيبـــه وهامه

اسمك في الاخـلاق والطيـب دونت
وانت الرفاهيـــــــه وانت الفخامه

ادمنت في عشقك انا اليوم ادمنت
والقلـــب ياقلبي هـــداك احترامه

ياكيــف ما احبـــك وفيني تمكنت
واسمك نحتـه فــي خفوقي علامه

....

‏الطيب قصرٍ ما تجيه العذاريب
‏والتربية هي سور قصره وساسه

‏فمن لاتربى في شبابه على الطيب
‏ماهوب متربي ليا شاب راسه

....

‏أجمل حياتي لحظتي يوم أشوفك
‏وأصدق دموعي دمعتي يوم فرقاك

‏ذقت العسل وقلت هذي وصوفك
‏والشوق حرك خافقا حيل أغلاك

‏نقشت وسط القلب كامل حروفك
‏قلي أمانه كيف أنا أقدر أنساك

....

الله يزيل الضيق عن شاكي الضيق
ويعوض الضايق سرور وسعادة

ويحقق الأحلام للناس تحقيق
ويزوّد الصـابر صمود وجلاده

....