فوق هام السحب ( الشعر الشعبي) على متن القوافي

‏ياحديث الشوق لـ القلب الھواوي
‏بلغ اللي فالحنايا شب ضوه
‏

‏الغلا وأن صار ماهو بالتساوي
‏كيف أقدر أفهمه وأعيش جوه

....

‏تبقى وليف القلب ولوصار ماصار
وتبقى نظير العين ولو مااشوفك

وتبقى سلاام الروح ولامنك اضرار
وتبقى عزيز وعزتك من وصوفك

....

خذني قريبك لاجفاك أقرب قريب
خذني العطا كان الليالي ماعطن

خذنـي وطنك إليا شعرت إنك غريب
أجمل شعور إنـي على شانك وطن

....

‏ارتحت لك والقرب من قلبك أمان
‏اشتقت لك يوم انك عن عيني بعيد

‏احتجت لك راحه دفا نبض وحنان
‏كتبت لك من عذب احساس الوريد

....

‏لاتراقب حالتي باخر ظهور
أنت فـي وسط الحنايا متصل

لو غيابي طال ساعات وشهور
ماتغيب بداخلي مهما حصل

....

‏لاجارت أيامك ومالت لياليكْ
وغاب الذي فـ ضيقتكْ حاسَبنْ له

أكتم جروحكْ ولا تفرحْ معاديكْ
واصبر ترى بعض الشكاوي مذلّه

....

‏من حب له شخص في دنياه يستاهل
‏يقيم عرش الغلا ويشيّد صروحه
‏
‏وانا اشهد الروح ماتنساق بالسّاهل
‏إلّا لغالي يعادل بالغلا روحه

....

‏لوسألت الكون عن غيمة غرامك
امطرت دنياك خفقات وخواطر

لاتروح بعيد والواقع امامك
لو لمست القلب صافحت المشاعر

....

أحفظ لسانك عن البهتان والغيبه
وأغنم حياة السعد والعز من بدري

من ينشغل في عيوب الناس عن عيبه
زادت عيوبه وهو مشغول مايدري

....

‏ماتاب قلبي عن غرامك ولاملّ
الروح صوبك والبصر فيك مفتون

من وين ماحلّيت كلّي معك حل
القلب رحب بك وهلت بك عيون

....