فوق هام السحب ( الشعر الشعبي) على متن القوافي

مشتاق له لاكن حروفي تكابر
واالخل مثلي طايحً في غروره

ودي رساله منه تسعد للنضار
مادام في قلبي وروحي حضوره

محتار من حبه انا سرت محتار
ما الحل قولو له مراقب مروره

....

‏الله يـعين القلب لاساقه الشوق
صوب الـديار اللي سكنها وليفي

الصدر من كثر الهواجيس مخنوق
والوقت ماجاني على كيف كيفي

....

القلــب دولــه والمشاعـــــر عساكر
والحـــــب غـازي كل دولــه ومحتل

لاقـد غـــزاء للقلــــب حاذق وماكر
يتمــلك السلطــه بقــــــوه ويحتل

القلب تحت امــره يطيـــع الاوامر
والجيــش مايملي له الحب يفعل

والعقل مثل الشعب بالحب ساكر
يفقد نظامـه فـي المحبـه ويختل

....

يا الله إنك تغفر ذنوبي وتشرح صدري
ولا تشمّت بي عدوّ ولا تضحّك ناقد

أنت مَن يدري بحزني والبشر ماتدري
البشر لا غبت عنها تحسب أنّي راقد

....

عليك السلام ورحمة الله والرضوان
ياقلبٍ تعب واخفى عن العالم اوجاعه
ㅤㅤㅤㅤㅤ
يذوق الالم ومكابد الضيق والّاحزان
ولا يشتكي لو تلوي الضيقه ذراعه
ㅤㅤㅤㅤㅤ
توشح بصبر ايوب والصمت له عنوان
ولا غيرت ضيقات الايام باطباعه

....

عواطفي للماضي اشواقها شرد
تجرني واعطي يديني يديها

ملت مقاديري من ايامي الجرد
حتى الوجيه اللي تبيني ما ابيها

....

مرّات تلقى شخص ترتاح له حيل
ودّك تسولف له ويسمع ھمومك

ومرّات تلقى الھم والغم والويل
واقرب قريب تخاف يعرف علومك

....

‏المحب دائماً لايرى عيوب محبوبة
تلقاها دائما محسن الظن ويدمح الزلات مثل ماقال
جابر النشيرا :
يخطي واروح التمس له عذر واعذره
‏من صوبه العين عورا والاذن صقها

أصعب إجابه قلتھا في حياتي
ماعاد لي خاطر وأنا خاطري فيك
-
وأقفيت أحمّل في ضلوعي شتاتي
عجزت من زود الغلا لا ألتفت فیك

....

وجهك يرحب وقلبي في عيونك قلط
وأنا كرهت المجامل واعتبرني صريح

ان كان وصلك غلط ليتك تعيد الغلط
أحيان الأغلاط خطوه للطريق الصحيح

....