فوق هام السحب ( الشعر الشعبي) على متن القوافي

‏والله ان حبك على الكبد طابعٍ له وسم
‏ووالله ان تبطي سنينه ماينزل مستواه
‏
‏انت شيٍءٍ قد بغيته وربي ماقسم
‏وانت سرٍ محتفظ به على طول الحياه

....

‏اكبر مصيبه لاتعلّقت في شخص
‏مخلص لغيرك وانت مخلص بحبّه
‏
‏تعطيه زود الحب وتاخذ لك النّقص
‏تعطيه شوق وفوق غيرك يصبّه

....

‏ليــہ اختصرت الشوق بس لعيون
‏وليه المشاعر ماتبي غيرك أحباب

‏ليه القصايد لا اوحشتني يجونك
‏گن القوافي بغيبتك جملة أغراب

....

‏لاتخفي الشوق كانك في الهوى صادق
‏خل المشاعر تسولف عن هوى قلبك

‏صارح حبيبك ترا كتم الهوى حارق
‏ماهيب صعبة تراها كلمة احبك

....

‏انكسَاري شوق وغيابكَ ملام
‏وكل نبضهَ في خفوقي تشكرك

‏لو يطول الصمَت فعيون الكلام
‏انت اخر شخص افكر اكرهك

....

‏أصد عن غيرك من الناس وانصاك
‏وأَنا ادري انك موطني لانصيتك

‏الموت ماھو صفعة الغير لرضاك
‏الموت لامن جيت لك مالقيتك

....

‏القناعة كَنز حتى في شعورك
‏إرض بالمقسوم لاتطلب مشاعر

‏وان كسرك الوقت لاتشكي كسورك
‏الكسور اصلاً بداية كل شاعر

....

‏ذكرياتك كلها ماغاب منها غايب
‏يوم قدني باتشالا جاتني مجتمعه
‏
‏كل ذكرى في وجعها مثل دمعة شايب
‏طول عمره ماهقا انه ينكسر من دمعه

....

‏شوفني رغم ابتعادك ماسليت
‏لو غصن حبي من الشـوق انحنا
‏
‏ماعطيت الحب غيرك ماعطيت
‏كيف أبعطي شي مو ملكي أنـا

....

‏حد حبي لك على حد الجنون
‏وساعتك لاغبت عن عيني شهر

‏لاتضايقني ترى قلبي حنون
‏من غرامك ماحصدت الا السهر

....