فوق هام السحب ( الشعر الشعبي) على متن القوافي

صدمه تجيك مـن ابعد الناس تجرحك
يمكن تعديها بحسبة ثواني

لكن ل جتك مـن اقرب الناس تذبحك
عشان تنساها تبي عمر ثاني

....

بعض الكلام اللي ماتحسب له حساب
‌‏ في قلب غيرك مايمر بسهوله
‌‏
‌‏خلك مع العالم تعاملك من باب
‌‏اللي ماترضى تسمعه لاتقوله

....

ماكل مافي الصدور ياعزيزي ينقال
دام والصمت ماخيّب ظن من شاله

به جروح مع مرور السنين ماتنشـال
تستقر بالخفوق وتهز الروح وامغاله

....

‏تعبت أدوّر في مواعيد الايام
‏ساعة زمن فيها على شان اشوفك

‏مرّت سنه والعام واللي ورى العام
‏وانتَه مثل ما انتَه ظروفك ظروفك

....

‏عطني حنانك ياحبيبي ولاهنت
‏واعطيك انا ودي وصافي حنينّي

‏وعطني وعد تبقى معي وين ماكنت
‏واعطيك عمري ومابقى من سنيّني

....

لاتبعد هناك شك وغيره تروعي
خلك على عهدك الزاهر في اعماقي

آمن بجاه الغلا والشوق وضلوعي
ما زاار قلبي غلا غيرك ولا لاقي

...

‏من غلاه ونظرة عيونه عطاني
‏الوفا والشوق وشعور المحبه

‏جعلني فدوة عيونه لاخذاني
‏صوب بحرالعشق وشاطيه ومصبه

....

‏ارفق بقلبي يابعد كل مغليك
‏لاتاخذك دنياك في جو ثاني

‏ارفق بقلبً يجمع الدم ويعطيك
‏قلبي لحبك في عروقه اناني

....

‏يامساء الود والورد وشذاه
‏للجميع بدون ما اسمي أحد

‏كل شخصٍ مره الحرف وقراه
‏ياعسى وقته تباشير وسعد
‏
بقلمي

أغيب لكني اذا غبت موجود
‏في قلوب خلاني وربعي وناسي

‏الله يقدرني على الطيب والجود
‏ماني مثل غيري جحودٍ وناسي

....