فوق هام السحب ( الشعر الشعبي) على متن القوافي

‏تعال وأسكن حياتي وافرض اسلوبك
تشيلك العين كان القلب ما شالـك

بقوم في واجبك وأعطيك ماجوبـك
وأحميك مَن عين عذالي وعذالـك

....

‏لاتقول ماشفنا من الوقت راحه
صل الصلاه بوقتها وأنت ترتاح

هذي الصراحه كان تبغى الصراحه
وهذي هي الأرباح ياراع الأرباح

بقلمي

انت دخلت القلب من خلف شاشه
واسلوبك الراقي خذاني وانا حي

أكيد لأنك ذووق وڪلك بشاشه
مثل القمر لاغاب يبقى له الضي

....

‏اليا حرمك الله من اللي تمنّاه
خيره من الله والسعد مقتفيها

واليا عطاك الله قل الحمد للّه
نعمه من الله واحمد الله عليها

....

قلبي علـى موطن عيونك هداني
حتى أمتلى قلبي مـشاعر نبيله

وشلون أمثل قلبك بشي ثاني
وأنت المثال لكل حاجه جميله

....

أبختلي في وحدتي وأترك الناس
يمكن أحصل في إبتعادي وجودي

وإذا غزاني الهم والضيق والياس
ناجيت من يسمع دعاي بسجودي

...

‏نصوم ونصلي وندعي ونرتجيك
‏رضاك مكسبنا وعفوك رضانا

‏موحدين وكلنا منك واليك
‏عساك يا غفار تغفر خطانا

...

‏أضحك وأسولف واتواصل مع الناس
‏والناس ماتدري عن اللي بصدري

‏وأخفي حزن قلبي ولا أبيّن إحساس
‏خايف عيون الناس بالضيق تدري

‏بغيت افض الصمت هوجاس هوجاس
‏ثم قلت ياصدري على البوح بدري

....

‏يشد فيني الحنين لماضي أيامي
‏ وأحن له كثر ماهو داخلي يقسى

‏ مهما تمر السنين وتمضي أعوامي
‏ مازلت مشتاق الى أيام لا تُنسى

....

‏مجنون فـي حبك ومجنون طاريك
طيفك يزور الروح في كل لحظه

أهوجس مع نفسي وكني أحاكيك
لاشفت أسمك زاد فالقلب نبضه

بالهجر قلي يالهلي كيف اجاريك
وانته ملكت طول قلبي وعرضه

سر المحبة يالغلا عند باريك
حبك مسهرني ولا اغمضت غمضه

ان قلت اداري وصلكم كيف اداريك
وانته سماء حبي وبحره وأرضه

....