فوق هام السحب ( الشعر الشعبي) على متن القوافي

ترى الحياه اللي بلا دين وأخلاق
‏حياة ذلٍ ماوراها سعاده

‏يعيش صاحبها على هم وأرهاق
‏ولوزاد ماله ماتريح فؤاده

‏ويربح بها اللي دوم للخير سباق
‏اللي عمر وقته بكثر العباده

‏ومن طيب حظه ماتشكّى ولاضاق
‏والصبر دايم له طبيعه وعاده

بقلمي

‏تكثر وجيه الناس والعمر فاني
وكم وجه من لوحة حياتي محيته

إلا انت وجهك في رفوف الثواني
من وين ما وديت وجهي لقيته

....

أحلى كلام الحب ماقالت شفاك
وأغلى عيون ٍ ناظرتني عيونك

وأحلى وعد في الحب وعدٍ بلقياك
وأغلى مراسيل المحبه يجونك

وأحلى دقايق عشتها حب وياك
وأغلى عهد في الحب والله ماخونك

....

أجمل حكاوي الشوق تسكن لسانك
‏وأغلى الدقايق كلھا يوم أحاكيك
‏
‏اللي بقوله وأنت عارف مكانك
‏لاتبطي بوصلك ترى القلب يدعيك

....

الناس ماتدري وش اللي ورانا
مب كل شي داخل القلب ينقال

نعطيهم الضحكه ونخفي عنانا
نسكت ونحمد ربنا بكل الأحوال

....

عز الله انا في شدايد عرفناه
محبته ذنب ومن الذنب تبنا

يوم انها طيب ومواقف غلبناه
ويوم انها كذب وضعافه غلبنا

....

‏دلة أهل المفارق كل ساعة تفوح
بين جمرة عذول وبين كلمة خوي

كـل حاجة مع الأيام يمكن تروح
غير حبٍ تربع في ضلوع ابدوي

....

‏ماعاد خلّيت للأشواق صوبك مرور
ماتدري إن الحبايب يُخلقون أبرياء

عاملتني بإصطناع الكبرياء والغرور
وأنا لسان الغرور وسيّد الكبرياء

....

‏قالوا حبيبك يقرا الابيات قلت إيه
وانا ادري انه فاهم ويش يقراء

قالوا قصيدك خافيات معانيه
قلت الخفى للناس لكن هو ادراء

....

‏ماحد يشق القلب من غير تفكير
‏حتى الأطباء ترتجف ثم تحتار

والحب شَق الجوف من دون تخدير
وبَناء قصور بداخل القلب وانهار

هذي حقيقة قلتها صدق تعبير
وأرسلتها في جهر فعلي والاسرار

....