فوق هام السحب ( الشعر الشعبي) على متن القوافي

هلا فيك ياروح الغلا والوله منقاد
هلا فيك من نفس ٍ من البعد مكتوفه

هلا فيك تبقى للهوى والعشق وقاد
هلا والغلا في داخلي ضاعت وصوفه

ياغاية حبيب ٍ هام بك يوم ربي راد
عرفنا الغلا منك والأسباب معروفه

....

مـن صدّ عـني قـسم بالله ماردّه
‏لو هو طبيبي وانا في حاجة علاجه

‏احـب طبع الـوفا والـوافي اودّه
‏واللي يخون العهد ماني بمحتاجه

....

‏انا كل ماجيت انتظر جيت المحبوب
‏تركني اسير الوقت وقصده يجنني

‏وهذي دروب الحب والحظ والمكتوب
‏يالله عسى المحبوب ظنه على ظني

...

ترى صدور الناس مثل المخازن
‏ياما بداخلها من الشر والخير

‏وأكبر نجاحك في الحياة التوازن
‏والصبر لاصكت عليك المقادير

....

أجعل أسمك فالمقام الأولي وأصنع مصيره
‏يوم تقسيم الفعول ويوم ترتيب الأسامي

‏حتى فالدين الصفوف الأوله غير الأخيره
‏الاجر يفرق ليا صليت فالصف الأمامي

بقلمي

‏من يماشيني على الطيب يبشر بسعده
‏يعتبر روحي بروحه ولو راحت فدى

‏ومن يماشيني بعكسه فيلزم مقعده
‏والله انه لانزل من صعود ولا بدى

‏لاعملت الطيب فاللي يعرفه يشهده
‏والردي تعمل به الطيب ويعود ردى

‏وكل من سويت به علم طيب وجحده
‏كم جميل حط في غير موضعه وغدى

....

‏ترى الغلا يعطى من الروح للروح
‏وانت الذي تسكن معاليق روحي

‏اسرار حبك دونها الصمت والبوح
‏وعطر المشاعر من غلاتك يفوحي

....

شحت علينا أشـعارنا والقوافي
‏وزادت مواجعنا على العدل و الميل

‏مـن نام منكم جعل نومه عوافي
‏وراعي الغلا معذور لو يسهر الليل

....

فارض قدرك على القلب حبك من سنين
‏المشاعر صادقه والجوارح صامله

‏والله ماشوف المخاليق كون بنص عين
‏وأنت لامريت لديت عيني كامله

....

يازين السلوم الطيبه لاغذاها الطيب
ويا شـين الـعرب لاجـنبت عن مذاهبها

بقلمي