فوق هام السحب ( الشعر الشعبي) على متن القوافي

‏لاتعاتب الغايب وتقول وش فيه
ولا تسيء الظن حى تشوفه

من الغلا إن غاب عنك تحاتيه
ومن الوفاء إنك تقدر ظروفه

....

بنيت لك مابين قلبي والاحداق
منزل وزخرفته بأرقى الزخارف

وزرعت حبك ياحبيبي بالاعماق
وفرشت لك فيه الحنان والعواطف

واليوم ابعلنها ولو خاطري ضاق
واودعك وآقول ياحب آسف

مادام تالي حبنا هجر وفراق
ماشي على فُرقى الأناني حسايف

....

عسى الغرور اللي أصابك بالعما
يزول عن عينك لكي ترجع تشوف

تظن نفسك نجم في كبد السما
والناس من حولك ملايين وألوف

لولا العمى ماصار حالك مثلما
غزال من زود الغرور اصبح خروف

....

قالوا دع الحبر ينزف واقلب الصفحه
قلت اتركوني بحالي مالكم بي خص

الصفحه اللي كتبها احساس في روحه
ماهي بصفحه رخيصه قابله للقص

بقلمي

لكم مني مع التحية....

سلام مني لاهل التواضـع والاخلاق
‏واهل الوفاء والصدق واهل المروه

‏اللي نواياهم كما بيض الاوراق
‏تقديرهم واجب علينا بقوه

بقلمي

‏رددت لك بالود والصدق والحب
اجمل معاني سقتها لك قصايد

ياملهم احساسي ويامالك القلب
غلاك في روحي عن الوصف زايد

....

‏المحبه ثلاث ارباعها اهتمام
‏وانت لاجيتني ماهمك إلا تروح

‏المحبه بدايتها نقيض الختام
‏أولتها هدايا وآخرتها جروح

....

ليه يا الحظ الاقشر ماتفارقني
وين مارحت اشوفك دوم قدامي

ليه دايم كما ظلي ترافقني
ليه دايم تحطم اجمل احلامي


بقلمي

لاتكثر اقوالك اذا مالك افعال
المفترض مثلك من القول خاجل

سهله عليك تكون عادي ورجال
لكنها صعبه عليك المراجل

....

هم يَحسبون بأن الناس تقصدهم
في كل مافعلوا في كل ما قالوا

والناس ماحسبت يومًا لهم خبرًا
فلنتركِ الظنّ إن الظنّ قتالُ

بقلمي