فوق هام السحب ( الشعر الشعبي) على متن القوافي

مديت لك عمري على كف يمناك
وغيرك على رجوى هلا مد عمره

نزعت بيبان الثقل غاية رضاك
وشرّعت لك قلبي ويا طول صبره

ميّت شعور وفز قلبي لطرياك
وأعرف شعوري مايجي غير مرّه

....

‏اصبر على جور الليالي والايام
‏واطلب عظيم الشان في كل حزه

‏دنياك لاترميك في بحر الاوهام
‏في طاعة الله لك مهابه وعزه

....

على النقى والبياض وصافي النيِّه

‏نعامل الناس صادقها وحاقدها

بقلمي

قالوا تمنى قلت ياما تمنيت
الحظ ضدي والأماني كثيره

ياما كتبت من القصايد وغنيت
الحظ عاثر والخواطر كسيره

....

‏يابحر انا بنشدك كم ضايقن جاك
وكم شاعرن حولك يخط القوافي

تعرف خوافي ناس ماتعرف خفاك
تبلع هموم الناس ماقلت كافي

....

‏عندي أمل أن اللقى ماهو بعيد
‏رغم الجفا رغم المصايب والزعل

‏عندي أمل أنك بترجع من جديد
‏وأشوف قلبك ليه عن قلبي رحل

‏عندي أمل أني بسولف لك قصيد
‏وأشبع أسماعك قصايد من غزل

‏عندي أمل لكنّ خوفي لو يزيد
‏هذا الغياب ويقتل أحلام الامل

....

‏والله لو تدري بقلبي كم اغليك
‏ان تحلف ان دم الشرايين دمك

‏تصدق اني وين ما اروح الاقيك
‏طيفك عطر من وين ما اروح اشمك

....

‏ياليل لاتقسا على قلب مشتاق
‏يكفيه من جور المعاناه مافيه
‏
‏دقايقك تمضي تلاهيف واشواق
‏والنّوم محروم المحبّين جافيه
‏
‏ياما احتوى صمتك تفاصيل عشّاق
‏وكم باح لك فاقد بمكنون خافيه
‏
‏من زود ثقلك هقوتي صعب تنطاق
‏بعض البشر ياليل مافيه كافيه

....

‏فتنة المفتون في آخر زمانه
‏العيون وساع والمبسم يغرّك

‏ليّنٍ من لِين عود الخيزرانه
‏كل ماهب الهوا الهادي تحرّك

....

‏مؤمن بالقدر والصبر أتخاذي
‏مَابعد ضيق الصدور إلا سعتها

‏ويش يحزن خاطري والأرض هذي
‏كل حيٍ فوقها يرجع تحتها

....