فوق هام السحب ( الشعر الشعبي) على متن القوافي

ترى الجمايل خساير في بطون الرخوم
‏تتعب وبس التعب ياخوك ماله خلف

‏بعض البشر تفرح انك في لزومه تقوم
‏وبعض الاوادم خساره فيه ربطة علف

....

‏لاتعلق حياتك بين هذا وذاك
‏من يروّح فمان الله ومن جاء هلا

‏يارفيقي ترى الدنيا ماتسوى عناك
‏رحلة العمر محفوفة بمر وحلا

‏بين يربى بعزك واحسن الله عزاك
‏اختصار الحكاية كلها من إلى

....

‏ما أَلتفت للماضي اشوف قدام
‏شعوري فالدنيا شعور المسيّر

‏كبرت حتى فـ اختياري للاحلام
‏لو ان عمري في حياتي صغيّر

‏وظروفي ان مرت علي بعض الايام
‏قبل اتعلم منها ماتطيّر

‏في عام احبك وافترق عنكْ في عام
‏في عام واحد كم شعور يتغيّر

....

‏طوّلت وش صار منت بعاده اتطول
‏نطرتك وماقدرت ابقى وانا ناطر
‏ㅤ
‏ماعاد انا الاولي يالصاحب الاول
‏ادنات مايجرح وما يكسر الخاطر

....

‏خذيت من مر الزمن ماكفاني
‏وعطيت غيري كثر ماكنت محتاج
‏
‏بغيت لي حاجه وحظي عصاني
‏من عقبها صديت منعاً للإحراج

....

انا ورثت الشعر من جدي وابوي
شعر وفروسية وشيوخ ومطانيخ

ابني بيوت الشعر واتعزوى باخوي
والبيت بيت الشيخ ومورث لشيخ

....

انا ما دخلت تويتر انظم غزل واعجاب
وادور على عشاق مابين زيد وعمر

انا بنت شيخٍ واحسب لخطوتي حساب
وادور على الطالة واجدد سمو الفكر

....

يسعد صباح احبابنا وين ماكان
‏اللي علينا من غلاهم يمونون

‏الله يجنبهم صواديف الازمان
‏ويستر عليهم وين ماكان يمشون

بقلمي

خل اتكالك على اللي يعلم الخافي
‏خذ مابدا لك وخل اللي يخبونه

‏اليوم حتى الكريم الصادق الوافي
‏لابد في المجتمع ناس ٍ يسبونه

‏ماترضي الناس لو إنك عسل صافي
‏حتى العسل فيه ناس ٍ مايحبونه

....

هذي هي الدنيا حظوظ وتوافيق
‏اما وطـاك الحظ والا وطيته

‏تعيش في غيبوبة الوقت وتفيق
‏شي تذكرته وشي نسيته

‏بس الوكاد انه بعد نشفت الريق
‏مالك سوا بنيانك اللي بنيته

‏السد خله دايما فالصناديق
‏منشان ماتصدم بشي هقيته

‏والطيب فعل وله دروب وطواريق
‏وسوه لوجه الله لامن نويته

....