فوق هام السحب ( الشعر الشعبي) على متن القوافي

المساء وعيونك حكايات عشاق
لاسلهمت لي ضعت كلي من الشوق

انت مسائك يشتعل كله اشواق
وانا مسائي فيك يمنحني الذوق

....

كل ماطاحت سدول الليل قلت الله يعينك
‏مكتسيك الهم ياوجهٍ بكا زهرة شبابه

‏فاقدك من بسمة شفاهك ليا مطلع جبينك
‏مثل فقدي لـ الشعور وللقصيد و لـ الرحابه

....

‏مابي يروح العمر وتروح وياه
‏انا ابي دايم اشوفك ملاذي

‏تخيل أصبح على وجهك ؟ الله
‏ماراح أدور أمنية غير هذي

....

مايستميل القلوب إلا الكلام الرقيق
‏ولاتفيض العيون إلا من أشواقها

‏يجذبني العمق وأحتاج الجمال العميق
‏وأخشى من أحضان مايفهمني عناقها

....

‏اذا شاب الغياب وشحّوا المقفين
‏انا اعرف الليالي طبعها جاحد

‏من اول كنت ادوّر عن لقى والحين
‏اشوفك ما اشوفك كلها واحد

على كثر ما أشوف ان يدينك تشح دواي
‏أجيك الحزين اللي من الهجر مستدرك
‏
‏ومع إنِّ الزمن في كل ليله يجيب أقصِاي
‏لكنّي ما اعرف اهين قدري ولا قدرك
‏
‏لو تغيب يكفي شوف طيفك على يمناي
‏ترى لِك بصدري شيء ماهوب في صدرك

....

‏معي منك جرح وسم بالله عليه وداو
‏اداريك واحنك من اثمه ومشروهه

‏عط الراي قلبك شف هوى القلب وين وهاو
‏ترى السعي في غير المشاهي هو التوهه

....

‏فرط الثقه باحبابك تخلّيك عايش في وهم
‏يجرحك جرح ٍ مايجي عقبه صبر ومكابره

‏أحب اروح بصمت لا اجادل ولا ابادل تُهَم
‏اذا إنجرحت أقفّل الموضوع واقطع دابره

‏اواصل مواصل وفي وافارق مفارَق شهم
‏أموت ما اذكر ذنب محبوبي لو إني خابره

....

‏الشـوق ما يهدأ علـى غيـــر مشتاق
ياللـي غـــلاك بداخـل القلـب باقي

يا طيــر ياللـي بالجناحـــين خفاق
بلـــغ سلامـي والوفـــاء واشتياقي

للي خذا مابــين جوفـي والأعماق
واللي ملك كـل الشعــور العماقي

قله رفيقـك مـات مابـين الأشواق
بين البعـــاد وبين جمـــر الفراقي

اميرة الورد

يفداكٍ قلبــي والغــلا والشرايين
ويفــداكٍ روحــي والمــحبه تلـيها

ضميتك بقلبــي وسكنتكٍ الــعين
ومن دون شوفتكٍ دنيتي ما ابيها

....