فوق هام السحب ( الشعر الشعبي) على متن القوافي

يالله عسى الوقت يمضي على خير
وكل الامور اللي على البال تفرج

وتشرق لنا شمس الامل بالتباشير
ونلقى لنا من ضيقة الصدر مخرج

....

‏الله يعين اللي من البعد مجروح
مشاعره طول الليالي حزينه

يسابق القمري على نغمة النوح
ويعزف على نغمة بقايا سنينه

....

ﺑﻌﺾ ﺍلبشر ﻳﻔﺮﺽ ﻋﻠﻴك ﺍﻟﻐﻼ ﻓﺮﺽ
ﻣﺜﻞ ﺍﻟﺬﻫﺐ في كل ﺍلأحوﺍﻝ ﻏﺎﻟﻲ

ﻳﻤﺸﻲ ﻏﻼﻩ ﺑﺪﺍﺧﻠك ﻃﻮﻝ في ﻋرض
ﻗﺪﺭﻩ كبير ﻭمكسبه ﺭﺍﺱ ﻣﺎلي

....

‏عليك قلبي طواه من الوله طاوي
والصدر ضاق وتبيّح كل مكنونه

مدري عقب هالغياب المرّ وش ناوي
خلّيت روحي من التفكير مرهونه

كل شي في غيبتك بالعين متساوي
نفس الطعم والشعور وشكله ولونه

واليا فقدت ايّ شي اقول بالهاوي
فقدت كل الحياه بغيبة عيونه

....

ﺍﻟﻘﻠﺐ ﺻﺎﻓﻲ ﻭﺍﻟﻀﻤﺎﻳﺮ ﺳﻠﻴﻤﺔ
ﻭﺍﻟﻄﻴﺐ ﻋﻨﻮﺍﻧﻲ ﻭﻋﻨﺪﻱ ﻣﺒﺎﺩﻳﻪ

ﻭﻟﻲ ﺍﻟﻔﺨﺮ ﻗﺪﺭ ﻭﻣﻬﺎﺑﻪ ﻭﻗﻴﻤﺔ
ﻣﻨﻬﻮ ﻳﻤﺎﺷﻴﻨﻲ ﻋﻠﻰ ﺍﻟﻄﻴﺐ ﺃﻣﺎﺷﻴﻪ

ذائقة

ياعين لاتبكين والعالم سكوت
مهما بكيتي مارجع من فقدناه

لو البكا يرجع على فايت الفوت
منّا إلـى يوم الحشر ماسكتنا

بقلمي

‏دروب المراجل كايده ماعليها لوم
‏ولا ياخذ الكايد سوى واحدٍ نشمي

ينومسني اللي في المواقف يجي زيزوم
‏ماعنده سوى الثنتين تم وعلى خشمي

....

‏ماكل من يضحك سعيدٍ بدنياه
‏وما كل من يبكي دموعه حزينه
‏
‏احدن بكى والكل يدري عن بكاه
‏واحدن مع الضحكة تحس بونينه

....

‏كل مازهمت القصيد وجيت ابا عده
يخنقني الضيق ويزاحمني على انفاسي

مايذبح الشاعر الا احساسه بالوحده
من ياخذ اجري ويعتقني من احساسي

....

في ذمتي ساكت وماجبت لك سيره
بس اكثر الناس في شعري يشوفونك

احيان ألمح لهم والدافع الغيره
واحيان اموه عليهم لايعرفونك

....