فوق هام السحب ( الشعر الشعبي) على متن القوافي

همسك بعطر الورد مُترف وغرقان
‏مدري هو أنت العطر أو العطر فيك

أعزف مسانا شعر بإحساس فنان
‏وأنا بروعة ها المساء جيت أمسّيك

....

ياحبيبي كان ودك بالجميل
لاتغيرك السنين وتنعزل

الحضور اللي بلا موعد جزيل
والغياب اللي بلا سبه هزل

....

‏انت الوحيد اللي اشوفه بدنياي
ماكنك إلا في زماني وحيدي

ليتك تعرف اللي نريده بمعناي
وأنك بدمي جاريٍ في وريدي

....

‏لاينشغل بالك ولا يلحقك شك
بالقلب منزالك مدار السـنيني

باب الغلا مفتوح لاجلك ولاصك
انت الوحيد اللي سكن نون عيني

....

‏تقولين أحبك قلت مالشّعور لسان
على قلبي المغرم وروحي تمكنتي

أحبك مع أفراحي وأحبك مع الاحزان
وأحب الحياه اللي معك كيف ماكنتي


....

قلنا صباح الخير والمسك والنور
للي يتابع كل حرف كتبته

واللي يبادرني من القلب مشكور
أعظم تحياتي لقلبه نسبته

إليكم مع التحية

‏علاقة العربي بالقهوة علاقة سرمديّة
وثيقة يتقهواها كيف ويكتبها شعور

يقول مدغم أبو شيبة :
أما أني أنساها نسى الله من نسى ذاك القبال
‏ياصبّ روحي صب دلتها على فنجالها

‏ويقول ضيدان بن قضعان :
‏ لو بقى للهيل صبرٍ على فوح الدلال
‏مابقى للقلب صبرٍ على شيء يرتجيه

‏رسالتي لكم .....

من مغرب يوم الخميس
إلى مغرب ‌يوم الجمعة
‏وكل ثانية كنوز من الصالحات
وخزائن من الحسنات
‏فاغتنمها في الصلاة على النبي
صل الله عليه وسلم
والدعاء والاستغفار
‏
‏تقبّل الله منّا ومنكم
وغفر لنا ولكم


بقلمي

يكفي وجودك ماعليا من الناس
في حضرتك مرتاح قلبي وبالي

....

يسعد مساء من هو كما معدن الماس
‏اعشقك واعشق ضحكتك مع مزوحك

‏ويسعد مساك الممتلي برد واحساس
‏ويسعد مساء قلبك وعمرك وروحك

....