فوق هام السحب ( الشعر الشعبي) على متن القوافي

ستر المواجع داخل القلب راحه
لو يمتلي صدري بها ماتكلمت

ماهو جديد القلب يخفي جراحه
ولاهو غريب الضحك مهما تألمت

....

‏فقدتك وقلبي من الفرقا يقول
‏ماعاد للدنيا بعد فقدك حلا

‏ياليتها شده مع الوقت وتزول
‏واقول همٍ فالمحاني وانجلا

‏ولكنها صارت في ذاكرتي تجول
‏والبال من كثر الطواري ماسلا

‏فقدت صوتك والرحابه والقبول
‏والإبتسامه والرضا والمسهلا

....

الزمـن دوار والموقف وعد
‏وأكثر آلأفعـآل داخلها إشتباه

‏الغريب يقول تبشـر ب السعد
‏والقريب يقـول تشغلني الحياه

....

‏لانوم متعدل ولا خاطرٍ طاب
‏والسهر مع الهواجيس مصيبه

‏منهو يواسي لامن الظن خاب
‏والفؤاد المنجرح منهو طبيبه

....

‏مدري متى ياعين ودك تنامين
‏نامت عيون الناس والليل قفى

‏عمر السهر مالم شمل المحبين
‏نامي وشوق القلب كفى ووفى

....

الـتـجـربه يـاذيب لاشـيـب الراس
تكشف لك الايـام مــافــي خـفـاها

لولا احتياج الـنـاس ياذيب للناس
محدن عرف طيب الرجال ورداها

....

‏تب علينا يامجيب لمن دعاك
ربنا المعبود جلّ في علاه

الجباه الساجده تطلب رضاك
يركع المؤمن ويسجد فالصلاة

جلّ شانك ياعظيم ولاسواك
غير ايمانك فلا قلبي ملاه

....

‏ان كان حظك مافرش لك وغطاك
لاترتجي من حظ غيرك يغطيك

مادام رزقك كاتبه يوم سواك
خلك صبور وقاسم الرزق يعطيك

....

‏يازيف الآمال والإنسان عابر سبيل
والعمر لحظات والدنيا لأهلها ممر

يالله بقلبٍ شكورٍ لك وصبرٍ جميل
وبرحمـةٍ منك فوقي ظلّها مستمر

وبتوبةٍ قبل موتي يامنجّي الدخيل
تجبّ ماقد سلف وتبدّل أمرٍ بأمر

وبمنزلٍ في جنان الخلد ظلّه ظليل
مع النبي وآل بيته وابوبكر وعمر

....

‏من لايودك صادقٍ لا تودّه
ومن لايداري خاطرك لاتداريه

القلب يجفل من وجيهٍ مصدّه
وانا اشهد ان القلب دليل راعيه

وسيلٍ جرى عن مدرجه لاتحدّه
جنب وخل السيل يضرب مجاريه

ومافات من دنياك صعبٍ مردّه
خذلك من الماضي عباره وتوجيه

....