فوق هام السحب ( الشعر الشعبي) على متن القوافي

‏وينك تـرى بالحيـل طول غيابـك
‏وينك ترى في غيبتك خاطري ضاق
‏
‏هذا جوابي وانت عطني جوابك
‏اشتقت والا مابعد قلبـك اشتاق

....

‏على تبسّامة الذكرى ودمع الحنين
‏ذكرتك وطاحت الدمعة وأنا مبتسم

‏ياما تذكّرت ضحكاتك وقلبي حزين
‏وياما تمنيت قربك بس مالله قسم

‏مابين مشتاق لك وأخاف لاترجع
‏أنا مابين الشعور المنقسم منقسم

‏مع إن تنفسي مافيه نقص أكسجين
‏وراي لامن تذكّرتك يضيق النسم

....

الوقت وصدوف الليال السريعه
‏مصيرها تكشف قناع المقنّع

‏وتبين اللي طيب راسه طبيعه
‏وتبين اللي طيب راسه تصنّع

....

تبقى اغلا من عرفته ومن طرى
وتبقى شي في خاطري عيا يشين

وتبقى اكثر من أخذ حب وغلا
وتبقى اصدق شعر تقراه السنين

....

‏ياليل لي مخلوق غالي على البال
دايم مع صمتك خيالي يراعيه

هـو يسهرك مثلي قصـايد وموال
سلم علـى قلبه وداعب امانيه

....

‏أدري اني غير مهتم و ان شعوري باخل
‏وأدري ان أقصى كلامي وينك ووشلونك

‏أتثيقل عن غرامك ولا أنا من داخل
‏عاشقٍ باع الحياه الفانيه لعيونك

....

تلعب طرب وانا بنومي هواجيس
ماسهرك بالليل كثر الهمومي

أسهر إلى نامت عيون الهداريس
بالليل اراعي ساهرت النجومي

أونس بقلبي مثل صلو المحاميس
الله يلوم اللي لحالي يلومي

الشيخ والشاعر تركي بن حميد

مرحبا يا أعذب الأصوات وأغلاها
‏صوتها العذب مرسلته على شاني

‏والمشاعر ترحب بِه من أقصاها
‏من خفوقي ومن دمي وشرياني

‏كل كلمة تداعب حمرَة شفاها
‏تمتلكني وتآمرني وتنهاني

‏أنا وأرضي وشعريَ من فداياها
‏حتى بحري ولولوي ومرجاني

....

وانتي اختصرتي ‎بالجمال المزايين

حتى كسبتي من طرفهن عداوه

‏هذي فياض المحبّه يوم صارت هجير
‏معاد فيها نعيم وعيشةٍ هانيه

‏ليتك قبل لاتوادعني الوداع الأخير
‏ماقلت لي خلّ أشوفك مرّةٍ ثانيه

....