فوق هام السحب ( الشعر الشعبي) على متن القوافي

إسكن بقلبي وإحسب البيت بيتك
وفيه إعتبرني ضيف قاصد محياك

إن احتواك الشوق وإلا احتويتك
خذ ناظر عيوني على كيف ماجاك

وإن ماكفاك القلب روحي عطيتك
يفداك قلبٍ قلبه الروح تفداك

....

ياناس ياعالم وياكل عابر
ليش الهوى ماني ملاقي طبيبه

حنين قلبي ماتحن الطواير
على الذي ياناس فارق حبيبه

من يوم فارقته وانا دوم ضاجر
حتى وجع قلبي تكاثر لهيبه

وصابر على فرقاك ياخل صابر
لاكن صبري قال يبغا ضريبه

تمنيت لو نرجع لتلك المجابر
تمنيت ضحكاته عناده نحـيبه

تمنيت لاكن سرت مكسور خاطر
خيبه وجت من بعدها الف خيبه

....

يانفس هديها وتهدى وتنشال
لايصير حزنك بين هالناس عادة

يبي يجيب الله عقب ضيقة البال
سعادة ٍ مابعدها من سعادة

....

‏اعلان للي ما بعد جرب الحب
يسلك طريق الحب بس بشجاعه

فيه الوفاء والغدر والصدق والكذب
وفيه الفراق وفيه شوق اجتماعه

حظك على حظك تشجّع وجرّب
ان صبت والا غير تاخذ مناعه

....

بعض الكلام اسرار لا صار تلميح
‏ مثل المعاني بالقصايد غرييقه

‏وبعض السكوت طعون من غير تجريح
‏تكشف خفايا الناس لو هي عمييقه

....

ياراعي الدله ترى خاطري ضاق
والصدر لامن ضاق أمساء خلاوي

صبيت لي فنجال وتقول مشتاق
والشوق بعد الجرح ماله مداوي

....

لايضيق بالك يالغلا دامني حي
امسح دموعك وابتسم لاتحاتي

قرب وحط ايديك في راحة ايدي
واللي بغيته جاك لوهي حياتي

....

‏شفتك وجيت أقـــول مسيت بالخير
يسعد مساك ويسعد الله حضورك

ياللي حضورك غير يفرق عن الغير
الجــو جووك واجمل النــــور نورك

....

هلا وجيتك جية وطلتك غير
راعي القصيد الله يصلح امورك

اجمل تحية للجميع عبر الاثير
انتم الروح لروح القصيد بشورك

....

‏كل ضيقة تنتهي مهما تطول
والمطر ياتي معه برق ورعد

كل ماضاقت علي اضحك واقول
اجمل الايام لم تأتي بعد

....