فوق هام السحب ( الشعر الشعبي) على متن القوافي

‏لبى مسائك ولبى الشوق وعيونك
ولبى الشعر لاتغزل فيك واغراني

وامسيت اغني غلاك ونزوة جنونك
وكتبت بوحي وجيت بشوق تقراني

....

‏بعيش احبك غايب او كنت موجود
تبقى بقلبي مثل ماكنـت غالي

ماغيرت قدرك مسافات وحدوود
لازلت في هالقلب حاكم ووالي

....

رغم ابتعادي عن مراسيء تلاقيك
تبقى على ضفة فؤادي سفينه

أحيان اشوفك في خيالي واناجيك
وأحيان فصل الشوق يمطر حنينه

....

‏قصايدي كلها لعيونك ابدعها
حتى المعاني تقول اكتب على شانه

قصيدتي ماتبي غيرك يطالعها
لنّك غرام القصيد العذب واوزانه

....

‏ياليتـني عندك تقهويني يمنـاك
أشرب دلالك والحلى من عيونك

في مدة الفنجال تغمزلي حياك
وأقول تبقى فـي خفوقٍ يصونك

....

‏الشعر أنا كاتبه ل أجلك ولعيونك
وأنا عشانك بجيب الشعر واقرأ لك

كان القصايد ترد احساس مفتونك
اصير شاعر غزل كله على شانك

....

شل قلبي معك يازين ارجوك شله
شل قلبي ونا بحط اسمك محله

وان قدك في حضور الزين ياقلب قله
صاحبي قال لي انك دوا كل عله

....

تمر احلا هواجيس القصيد لخاطرك ورضاك
مثل مامر قدّام الفقير ابعد ملذّاته

تعالي لين مايبقى مكان مْن الحـنين الّاك
تعالي لين يكسـرْك الوله واكسر معاناته

حبيبي خاطري لاتستمع لـ الماضـي الشكّاك
وانا بعدك نسيت العمر وايّامه وساعاته

اشوف الليل بك يـبدا واشوف ان القمر إياك
وتطربني نسانيسه وانا اسولف معْ سكاته

وش الهجره وانا اللي ماينام الا على الشبّاك
وش الترحال ياصوت الوطن بين اخذه وهاته

تسافر بي نواعسْك الفريده رحلتين افلاك
واسافر بك قصيد اجدّده واعانق ابياته

....

واجد الي قالوا الظاهر ان خلك نساك
بس انا لازلت صابر ومشتاق وحزين

يابعد كل الحبايب عسى الدنيا فداك
حيرتني غيبتك واتعب الشك اليقين

ودي ادري من هو الي بعد ربي خذاك
مني ان كانه نصيبك ترى ماهو بزين

....

من عرفت انك تحبّين القصيد وتحفظينه
جبت لك در القصيد وسقت لعيونك ركابي

يكفي ان اسمي أنا من بين الأسما تعرفينه
كان خفتي لاتخافي ايّ شي إلاّ غيّابي

شاعرك من عادته لاغاب عوّد بالثمينه
دام طيفك لادنى صوبي مايفقدني صوابي

القلوب العاشقه حرّه ولكنها سجينه
والآمل لوينعش احلامي ماهو جابر مصابي

كم رواية مبهره كانت نهايتها حزينه
لايروح العمر قبل اغنم معك زهرة شبابي

....