فوق هام السحب ( الشعر الشعبي) على متن القوافي

بديت اتعمق بنفسي ولا اهتم لكلام الغير
يقولون الهوى غفله وأقول إن المدى واعي

غديت اودع المقفي ولا احب اسمع التبرير
أشووف ان التفاصيل الكثيره مالها داعي

....

أسعد الله مسائك يارقيق المشاعر
واسعد الله حياتك كل وقت ٍ وحين

يارقيق المشاعر رِق لحساس شاعر
من فراقك فؤاد احساس شاعر حزين

....

سراب الأعذار مايقطع ضما الوارد
‏في عينه الأرض جردا والسماء زرقا

‏ردودك الباردة وأسلوبك البارد
‏كنّها توريني الممهاج والفرقا

‏وأعذارك الواهيه من ذهنك الشارد
‏أغصان هجرن عليها ناحت الورقا

من دون طيحة غلاك حروب ومطارد
‏والعين ماطاح منها مستحيل يرقا

....

لاتجيني تعتذر وتقول آسف
لاتحدثني عن اسباب الغياب

لاتحاول أن تثير بي العواطف
دام حبك كذب واوهام وسراب

لاتبرر لاتفسر وانت عارف
إن جرحك ما التئم للأن وطاب

ياحبيبي أنتهىٰ وقت السوالف
عن غـيابك وابتدأ وقت الحساب

.....

دام يومي معك يبدأ من صباحه
الوكاد انه سيبقىٰ يوم سعيد

السعاده آخذه أكبر مساحه
والسرور اليوم هذا شيء أكيد

....

أسعد الله مسائك ياجميل الصفات
واسعد الله حياتك كلها ياجميل

في حضورك يصير المُر سكر نبات
والظلام نور والعلقم كما السلسبيل

....

‏من لايحس بقيمتك وانت موجود
‏ماهو بناشد عنك لاصرت غايب

‏حاول تفرق بيض الأيام والسود
‏ياقلب ما كل الحبايب حبايب

‏اللي يبيك يجيك لو دونك قيود
‏يكسر على شانك خشوم الصعايب

....

‏طبيعة الشخــص فـ اخــلاقه وفـي نبله
‏ان كان تبغى جمــيل القــول ينسب لك

‏انت إجتهد في الكلام الــزين واتعب لـه
‏وتلقى حصيله مع اهل الطيب يرقب لك

....

‏مرات تلقى شخص ترتاح له حيل
‏ودك تسولف له ويسمع همومك

‏ومرآت تلقى الهم والغم والويل
‏واقرب قريب تخاف يعرف علومك

....

‏ناس تنام وناس تصبح على خير
‏وانا بهالموال ماسك جهازي
‏
‏لو السهر يعطي شهادات تقدير
‏يمدي من البارح اخذت امتيازي

....