ديوان قصائد لشعراء المملكة العربية السعودية (متجدد)☘️☘️

قصيدة عيون الحب
الشاعر: طلال الرشيد طلال الرشيد
#العصر الحديث
#المملكة العربية السعودية
0
1,306 مشاهدة

عيون الحب لايمكن تناظر

عيوب الخل لو هو عيب كله

تماري فيه وبوصفه تكابر

ترى من فوق خلق الله محله

رفيق الليل في الشباك ناطر

وأثاري الليل شباك لخله

حفظ أحلى الكلام وصار شاعر

بصبر ينتظر والصبر مله

حبيب عشت في دنياه عابر

حسب قوله ويا شعري في قله

أنا ضحيت له وأرجي وصابر

وإذا عيا أقول الله يحله

على الملتاع ألا يابعد باكر

يبي السلوان والذكرى تظله

صحيح إن الهوى سحر المشاعر

يراها الصب عز لو يذله

عيون الحب في قلبي تناظر

تشوف اللي عيوني ما تذله

قصيدة ياطاهرة
الشاعر: طلال الرشيد طلال الرشيد
#العصر الحديث
#المملكة العربية السعودية
0
1,292 مشاهدة

..

يا بنت أنا ماني كذا.. وظنونك تكذّب عليك

كلّي عيوب وما قوت تخجلني ظنونك وأتوب

أكذب عليك ودوم أخونك وألبس الأبيض وأجيك

وأعشق معك ألفين وجه ويمتلي صدري قلوب

أحلى الكلام أقول لك لو قلته البارح لذيك

ياقف على شفاهي معك مراهقٍ صبٍّ لعوب

أكذب ولا أدري ليه أكذب أعشقك ماأرتجيك

أخاف من صدق الحقيقة في الهروب من الهروب

والله أحبك وأعشقك وأعرف زمان لي أبيك

لكنها هذي الحياة اتعلمت منا الذنوب

العين عجزت تعتقك.. القلب عيا يشتريك

في السجن خيّالٍ وفي.. في الصدر رجالٍ كذوب

هذي الحقيقة ما يجي في الكون أطهر من يديك

وأنا الذي أنقض وضوء الغيم والماء والهبوب

أنقض عيوبي فوق متني وانتي لعيبك شريك

وباكر تبسم لي وجيهٍ لك يعبّسها الشحوب

يا طاهرة حنا كذا والمظهر يكذّب عليك

يمكن يجي يومٍ يجي نخجل من ظنونك..نتوب

قصيدة يا زمان الذل
الشاعر: طلال الرشيد طلال الرشيد
#العصر الحديث
#المملكة العربية السعودية
0
1,264 مشاهدة

أسلحتنا في المصاحف
يا زمان الذل
.. زل..
ما بقى في الناس شيمه
وما بقى للعدل خِل
ومن كثر ما حنا صغرنا
صرنا حتى بدون ظِل
صرنا ما نملا المحِل
صرنا أمه تحتقرنا
كل أرذال الأمم
لاتصدق ياعزيزي
بالعروبه والقيم
يا زمان الشيخ بوش
يكفي هزأت المبادىء
يكفي أحرجت العروش
الكرامه يا طويل العمر ما تكفي النعوش
يا زمان البيت الابيض
إنت مالك أمر يرفض
تبغى هذا الدين أطول
تبغى هذا الشرع أعرض
إنت إكتب وإحنا نحفظ
مو غريب
لو نَحَسْب الخبث طيب
ومو غريب
نصرخ ولا من مجيب
ومو غريب
لو يكثر أعداد الأرامل
فبلاد ما ترضى الهوان
وحكومة ما تعرف تجامل
ومو غريب
لو تعتبر حتى عصا الكهل العجوز
أسلحة دمار شامل
يا زمن نهب المتاحف
جانا جيش الحقد زاحف
جتنا لعلوج الزواحف
فتشوا حتى العقول
وأسلحتنا في المصاحف!!
يا زمن أمريكا شكراً
أنتزعت الأقنعه
إنت ازلت الأقنعه
وانكشف وجه النوايا
واتجاه الاشرعه
ما نصدقهم خلاص
وما بقى من نسمعه
كل ذولا إمعه
بس خلك مستريح
الصحيح
يوم هب الحقد من واشنطن ولندن
كذب باسم المسيح
الكل فضل ينحني
وبغداد اختارت تطيح
يا زمان الازمنه خليك شاهد
إحنا مو ناقصنا واحد
هو صلاح الدين
احنا ألف مليون واحد
هم صلاح الدين
حنا بس بعيب واحد
هو.. فساد الدين
يا زمان الذِل
حِل
قلت لك مالك حِل

قصيدة أوعدك
الشاعر: طلال الرشيد طلال الرشيد
#العصر الحديث
#المملكة العربية السعودية
0
1,230 مشاهدة

أوعدك
إن كان بعدي يسعدك
الليله أرحل
من الليله باختار الطريق
من الليله الليل الرفيق
وأوعدك
ما أعاتب أو ألوم.. إلا نفسي
وما دام في قلبٍ معك
أوعدك
حبيبتي يا ليت
ما قولك يا ليت
وما قد تمنيت وشكيت
حبيبتي ويلي
لا من غدى جسري
أنا لنسيانك انتي ذكريات
حبيبتي
ما أصعبه نسيان ذاتي
وإلا أقوم.. أوعدك
سريت
عن الليل اللي ف عيونك
عن بلادك سريت
وأوعدك
إني أقول إني نسيت
بس أوعديني
لا زارني طيفك وأنا وحدي
إني ما أبكي
وأنك في قلبي تموتي
وأنك على عيوني تفوتي
وما أعرفك
وأوعدك
إني من الليلة أموت
من يوم أقوم.. أوعدك

قصيدة علمتني
الشاعر: طلال الرشيد طلال الرشيد
#العصر الحديث
#المملكة العربية السعودية
0
1,150 مشاهدة

.
علمتني وشلون احب
علمني كيف انسى
يابحر ضايع فيه.. الشط والمرسى
علمتني وشلون احن
علمني كيف اقسى
سير علي.. بس امسح دموعي وروح
سير علي.. جب لي معك قلب وروح
سير علي.. الى تذكرت الجروح
ياطاغي النظرة.. خطا
تجزى بهالبخل العطا
وانا اللي اهديتك أمن.. عين وجفن
هذي فراش وذا غطا
ياجرح من وين ابتدي
وانت معي من مولدي
وعيت يدي.. على وداعك تهتدي
بس انت علمني الجفا
دامني عجزت اعلمك.. كيف الوفا
علمتني كيف السهر.. ونسيتني الممسى
علمتني وشلون احب
علمني كيف انسى

قصيدة أموت من فرقاك
الشاعر: طلال الرشيد طلال الرشيد
#العصر الحديث
#المملكة العربية السعودية
0
1,098 مشاهدة

أموت من فرقاك..وأموت بلقاك

وأموت من جورك..وأموت بحنانك

كلٍ قضاه يموت مره ويفداك

وأنا أموت ألفين مره عشانك

أذكرك لامني نسيت إني أنساك

وأنساك لامني ذكرت نسيانك

رضيت أنا بالهم لرضاك ما ارضاك

وأرخصت لك قلبٍ جرحته وصانك

أجيك في صدري عتابٍ وأبجفاك

وأرجع ألوم الوقت وأقول خانك

أحب فيك إحساسي إني بلاماك

في عز خوفي منك أحس بأمانك

عجزت أفرق بين وصلك وفرقاك

يلي عطيت الناس بإيدك عنانك

مرن تجيني لين أقول إني إياك

ومرن تروح بعيد وأنسى أوانك

أقبل وتقفي وأعتذر عن خطاياك

وأقول ما عييت عيا زمانك

وإن خانتك دنياك أو خنت دنياك

إرجع وتلقابي مكانك..مكانك

قصيدة الأغاني
الشاعر: طلال الرشيد طلال الرشيد
#العصر الحديث
#المملكة العربية السعودية
0
990 مشاهدة

الأغاني بعض هم.. وبعض بوح
بعضها يبقى وأغلبها يروح
كيف تطرب؟ وانت تدري
انها صوت الجروح
يا عيون ما تبوح
جيت لك قلب وروح
أنا محتاجك دوى
أنا موناقص جروح
الليله..
أنا ضيف عيونك
جيت اكذب ظنونك
جيت أقول اني أحبك
وكنت ضايع بدونك
يا حياتي..
ولا انت أغلى من حياتي
كيف أخونك
وانا نصفي في شفاك
ونصفي الباقي فعيونك
أنا لعيون الهوى
جيت انا وجرحي سوى
أنا محتاجك دوى
أنا موناقص جروح
الله يا حلوك
بعيوني يا حلوك
بعتابي يا حلوك
بعذابي يا حلوك
حتى المرايا تقول
معاي يا حلوك
انت اللي صالح بسمتي وشفاتي
وانت اللي أعطى الليل كل أوقاتي
لا تعودني وتروح
ما بقى في الروح روح
أنا محتاجك دوى
أنا موناقص جروح

قصيدة حكاية شمس
الشاعر: طلال الرشيد طلال الرشيد
#العصر الحديث
#المملكة العربية السعودية
0
939 مشاهدة

الله وش كثر محلوه

كنك ملاك وطلع توه

جيتي وكلٍ ترك جوه

ماعاد به غيرك حكايه

بعيونك أغرب حكاية شمس

الليل لف ولمسها لمس

ضيعت باكر عشانك وأمس

وانتي إلى الحين نسايه

في شفتك للشفق موعد

دايم أقرب وهو يبعد

من غيرك اللي قدر يسعد

ويحط لأحزاني نهاية

يغار من جيدك الألماس

ياللي تحلين أي لباس

حني على الناس ياأحلى الناس

حرام تعذيب وكفايه

من يقدر يلوم حسادك

والشمس تحضر بميعادك

ياشمس والناس عذابك

تغازلك حتى المرايه

سمرا وفيها بياض النور

بيضا وفيها سمار الحور

من مثلك اللي جماله جور

ماله بدايه ولا نهاية

ياحلوتي كامله والله

والكامل بحق وجه الله

من يشبهك حلوة الطله

ياللي لكل البشر آيه

قصيدة حكاية شمس
الشاعر: طلال الرشيد طلال الرشيد
#العصر الحديث
#المملكة العربية السعودية
0
938 مشاهدة

الله وش كثر محلوه

كنك ملاك وطلع توه

جيتي وكلٍ ترك جوه

ماعاد به غيرك حكايه

بعيونك أغرب حكاية شمس

الليل لف ولمسها لمس

ضيعت باكر عشانك وأمس

وانتي إلى الحين نسايه

في شفتك للشفق موعد

دايم أقرب وهو يبعد

من غيرك اللي قدر يسعد

ويحط لأحزاني نهاية

يغار من جيدك الألماس

ياللي تحلين أي لباس

حني على الناس ياأحلى الناس

حرام تعذيب وكفايه

من يقدر يلوم حسادك

والشمس تحضر بميعادك

ياشمس والناس عذابك

تغازلك حتى المرايه

سمرا وفيها بياض النور

بيضا وفيها سمار الحور

من مثلك اللي جماله جور

ماله بدايه ولا نهاية

ياحلوتي كامله والله

والكامل بحق وجه الله

من يشبهك حلوة الطله

ياللي لكل البشر آيه

قصيدة عيون الصغار
الشاعر: طلال الرشيد طلال الرشيد
#العصر الحديث
#المملكة العربية السعودية
0
934 مشاهدة

وجهك غضب.. وجهك عروس
يضوي مدى.. يحرق نفوس
تشبه لك الشمس الشموس
!.. وما لمحتك
سلام يا أحلى الأنام
دربي مثل عينك ظلام
تشبه لك أسراب الحمام
!.. وما وصلتك
يا صوتها الرايح وجاي
مابين أشواقي وشقاي
تشبه لك الونّه وناي
!.. وما سمعتك
حبيبتي والبوح نار
إنتي أنا بكل إختصار
تشبه لك عيون الصغار
!.. وما عشقتك
يا مهرتي البيضا الأصيل
تلعب وانا صبٍّ نحيل
تشبهك غابات النخيل
!.. وما سكنتك
يا غاية الحلم المحال
مثلك أنا حلمي الوصال
يشبهك في الشاعر خيال
!.. وما كتبتك