فوق هام السحب ( الشعر الشعبي) على متن القوافي

‏اغرقتني في غلاك ولا بغيت النجاه
ياحلو معك الغرق فالحب واللي بعد

انت اول انسان حبيته فوجه الحياه
وانت آخر اللي تربع فالخفوق وقعد

....

‏أول أحبه والشعر فيه أغنيـه
‏واليوم غايب بس أتابع حضوره

‌‏مدري أعزي قلبٍ ذاب بطواريه
‏ولا أعيش الحب ذكرى وصوره

....

‏تعال خذني بين اياديك مشتاق
‏قبل نتفارق حط يدك بيدي
‏
‏بقعد معك ساعة حبايب وعشاق
‏ومن بعدها كيفك لو اتصرت ضدي

....

‏خلنـي حلمك واشيلك في عيوني
واخذك حلمي وشلني في عيونك

خلني فـي وسـط قلبك لايجوني
واخذك في وسط قلبي مايجونك

خلنـي فـي داخلك لاتحط دوني
واخذك في داخلي ما احط دونك

....

‏يا ليـــل يا جامـــع علـى الود قلبين
ويش اجبــرك ياليـل تسرق حواسي

من وقت ما ناظرت مكحولة العين
نسيــت كونــي به واهلـي وناسي

لحظـة لقــاء فيها تلاقــا المحبين
وفيها اجتمع عشاق فوق الكراسي

صدفـه بلا موعـد ولا ايت عناوين
سرق المشاعـر حبهـا مـن اساسي

....

‏لاشحو الناس ربي يعطي الجنه
‏مايغني الا كريم الوجه سبحانه
‏
‏العز للنفس واجب والحيا سنه
‏وأنا يديني من الثنتين مليانه

....

‏يرضيني اني عشت وافي ولا برت
‏واعلنت بالهرج الصريح انطباعي
‏
‏زاد النفاق الاجتماعي وانا صرت
‏ماعاد احب أصير شخص اجتماعي

....

‏لاتساومني وأنا أدري وأنت تدري
‏إني أعاف الجفى لكن ما أخافه
‏
‏َخابرٍ قدرك بصدري بس صدري
‏ماتعوّد يلحِق الـمقفي حسافه

....

‏المعارف فالعمر حظ ونصيب
‏والأسف بعد الخطا من يصرفه

‏مايجيك الجرح من واحد غريب
‏مايجيك الاّ من اللي تعرفه

....

‏كنت أحب الصبر وأحلامي تضيع
‏وضاعت الأحلام يوم إنـي صبرت
‏
‏كنت أقول أكبر وأحققها جميع
‏ماتحقق شيء غير إني كبرت

....