فوق هام السحب ( الشعر الشعبي) على متن القوافي

ماعندي لكشف النـوايا مـرونة
من طاب فالجنة ومن خاب فالنار

أعــامل العــالم بمـا يظهرونـه
واترك خوافيهم لعـلّام الاسرار

....

‏مكاسب الدنيا حظوظ وتوافيق
‏وحكم القدر كل البشر يجهلونه

‏والرزق لاساقه ولي المخاليق
‏محدٍ قدر ياقف من الناس دونه

....

صرت أخاف احسّسه بالضعف عقب القوّه
‏بعد ماهو يدحم الأيام ويناطحها

‏دبّة الماء لافتحتها قمت أردد توّه
‏لعنبوُا ذا الدبة اللي ماقدرت أفتحها

....

يالبعيده والله إن مالي على البعد إستطاعه
قلبي اللي كان متقوي له أيام متهالك

لاتحسبين الدموع الزرق من قل الشجاعه
والله إن الشوق ماعمره رحم وانتي كذلك

مايليق الضعف في خال الرسول من الرضاعه
مير ماباقي بعيني دمعه إلا سقتها لك

عنتر اللي تجفل الفرسان من سطوة ذراعه
يبكي اليا طرّوا السمّار عبله بنت مالك

لاتخليني ترى مافيه أشر من القطاعه
لاتخليني ومريني ليا مريت بالك

تسألين تحبني مدري جهل ولا لكاعه
أبك أنا اللي شفت حبة خالك وحبيت خالك

راح حبك لين تفنی فانیه وتقوم ساعه
ماتعوضني خصال الناس عنك وعن خصالك

أنتي النسوه ونون النسوه وواو الجماعه
أنتي أعجوبه ولا يعجب جمال إلا جمالك

فالقلوب الخضر حبك ينتشر مثل الإشاعه
لين كثرتي محبينك وقللتي وصالك

لا وقفتي كنك تقولين قل سمعاً وطاعه
ولا مشيتي كنك تقولين بشر كيف حالك

من يشوفك لاتحدينه على كنز القناعه
والله انه ماهو بقانع قبل يقعد قبالك

جمال بندر

كنت احسب إنك من جروح الزمن طبي
لاتقصف الروح فيني اللي مكفيني

هذي سواياك وأنت تقول يا حبي
وش عاد خليت للي مايدانيني

لكن امانتك من عقب انتهى نبّي
إنهم مايدرون باللي بينك وبيني

وأنا عليّ الرضى في ماقضى ربي
اللي مضى منك جعله في موازيني

....

رسالتي لك....

حينما نتوقف عن الكتابة والقراءة
لاتعني أننا فقراء من المشاعر
ولكننا نكتب
عندما تزورنا المشاعر الصادقة
وليس عندما تزورنا
المشاعر العابرة...

بقلمي

‏كفكفي دمع المحاجر على فوح الزهر
‏مايحسك من صدوف الدهر جعله فداك

‏لو نضمت سنين عمري على جيدك مهر
‏ماتساوي دمع عينك ولا ضحكة شفاك

....

لو كنت جرحي عسى هالجرح مايبرى
وإقبل عيوبي قبل تقبل معاذيري

وصلت لك من بعد ماطوّل المسرى
لعل شوقي يكفّر ذنب تقديري

أدري لامني كتبت بغيبتك تقرأ
وأنك عجزت تقبّل شعر من غيري

....

تحاليك سكرات المنيّه ياسَكرة آه
ياصبري على حر التناهيت ياصبري

أنا الضيق يسفط لي من الشعر مايقواه
جزيله تقل مسفوط من .......

دهاليز ليلٍ يبدي القاف مع مبداه
ياعنك الورق يشكي ليا غرقّه حبري

يا ليلي قصيدي ماش غيرك تجي ليلاه
يطول البعاد وطعم توتك على خبري

مع الغير أحبك صعبه ولا نطقها الفاه
تشابه لحرف الضاد مع ناطق العبري

أشوفك ملاذ القلب كان الزمن قزّاه
تلحفت مجدولك وشبرك على شبري

تغارين من كثر الفتن والجميع أشباه
ياصغري معك ولا مع الناس ياكبري

على عودك المبري بري حالي وعزّاه
ياليت اليدين حزام في عودك المبري

أنا التايه اللي شاف فيك القدا ثم تاه
معَ دربك اللي بـ آخره لفّه وكبري

اِلْي جرةٍ لو صالف الوقت مايمحاه
وراع المحل ماينتقارن مع العبري

تعالي لا ظَلم ليلنا وأستوى مسراه
مسار الليال علاج للهايم المبري

تقولين وش ودك وأقول البقاء لله
لا مت أحفري فـ جبالك الشامخه قبري

....

‏تسرقني اللحظات لاصرت وياك
كن الزمن غير الزمن في حضوورك

من كثر ماحبك ومن كثر ماهواك
ومن كثر ماعيني تمنى ظهورك

حتى مكاانك لاتركته تمناك
مثلي ولا يبقى لنا الا عطورك

....