فوق هام السحب ( الشعر الشعبي) على متن القوافي

لا شفت عينك من بعد تخطف القلب
اغمض عيوني لين يرجع القلب لي

ياللي خليتني بين هاك وخذ الطلب
الشوق ماهو بكيفي اخفف واعلّي

يمّوت الوصــّال ماعدا المشّاعر حيّه
والشوق سفــّاح في صدور المحبيّن

عنّاد خلى كلاً من الآخر ينتظر جيه
ولا حدا قدر غلا غـالي ولامال لليّن

تجور الايام وتتغيّــــــــــر الاحوال
والرجــــال تبتّان بالمواقف القويه

الذيب بـ صدره الوجع اثقــــــــال
بس الذيب ذيب ولو سمعنا عويه

‏وش ذنب من حبك وهو ما يشوفك
والقلب من طول المسافات مفجوع

اكتب على صــدري بــداية حـروفك
والقــلب دقــاته من البـعد موجــوع

ياليت قلبي مثل قلبي وانا صغير
لا جاني النوم نمت وطابت ايامي

يانوم قلي وش اللي فيك متغير
لا الوقت وقتك ولا احلام احلامي

‏ﺍﻟﺸﻌﺮ ﻣﺎﻫﻮ ﺑﺲ ﺗﺮﺗﻴﺐ ﺍﻻﺑﻴـﺎﺕ
ﻭﻻﻫﻮ ﻛـﻼﻡ ﻭﻧﻨﻄﻘﻪ ﺑﺎﻟﺴﻬـﻮﻟﻪ

ﺍﻟﺸـﻌﺮ ﻟﻪ ﻓﻲ ﺗـﺎﻟﻲ ﺍﻟﻠﻴـﻞ ﺣﺰﺍﺕ
ﺗﻠﺘـﻢ ﻓﺮﺳـﺎﻧﻪ ﻭﺗﺼـﻬﻞ ﺧـﻴـﻮﻟﻪ

ياعيوني والغلا أهديك السلام
وجعلني برمش عينك فديتك

ماغيرتني ظروف الحياة والكلام
ولا ينسيني الزمن حبك ولا نسيتك

اختبرتني في حاجة تحتاج أهتمام
وانت تستاهل القلب لو عطيتك

قد ما شفت زولك تناديني فالنام
عرفت أني في حياتك وصيتك

ياليت أختباراتك من ذوق الغرام
ولا هي تسبب لي الجرح وقفيتك

أبغاك من عمري لأخر الأيام
ولا يشغلك فكر القلق لو مالقيتك

تبقى بقلبي والعين ياوجه الوسام
اثابر لجلك ولو غدت روحي مانسيتك

أنا على طريق المفارق ومعيار الزمان
لو كنت أعاتب هاذة العتاب وهله

طريقي للّه ماهو لأي شخص كان
يرزقني ولا يمني بحاجة وأرضي بعدله

‏بينك وبين الخلق تكفيك الأخلاق
‏وبينك وبين الله صلاتك صلاتك
‏
‏الأوّلة تفتح لك آفاق وآفاق
‏والثانية معنى لـقيمة حياتك
‏
‏

‏صغر البيوت وكبيرها مالها دور
‏من ناحية طيب الرجال ورداها
‏.
‏كم بيت يا كبره من الناس مهجور
‏من قل ما تلقى كرامة لحاها
‏.
‏وكم بيت يا صغره وبالناس معمور
‏اما غداها فيه والا عشاها
‏
‏‌ لافي حمود الغيدانيâپ©