اخترنا لكم

‏ثم أهجري كل البشر وأسكنيني
وصيري مثل من بدل الدار بديار

.....

القناعه كنز حتى في شعورك
إرضىَ بالمقسوم لا تطلب مشاعر

.....

علموه اني لو ابعد وتلهيني الظروف
ما حدٍ غيره من الناس في بالي طرا

.....

لو الغـلاء يُكتـب علـى كــف مغليك
نقشت حرف اسمك على كف يمناي

ولو العمر يهـدى على الناس لهديك
عمـــــري وكل اللـي ملكتـه بدنياي

يا ساكنــن روحــــي انا ميتــن فيك
واهواك واحبك من اقصاي لقصاي

ومن زود حبـك يا غلا الروح افديك
بروحي وقلبي لك مع كامل اعضاي

.....

‏أغويتني بالحب والحب سلطان
وسرقت قلبي والعواقب وخيمه

في عالم الانسان وحقوق الانسان
سرق المشاعر مثل فعل الجريمه

.....

إذا انشدوك الناس احرص على الميم
ماشفت ماقلت ماسويت ما ادري

سعد بن جدلان

‏إيه أنا الصعب الثقيل العنيد المستحيل
تفرض النفس الثقيله عليّ اغرورها

والله إني فالحكي دايمً طبعي بخيل
في سماي وعزه النفس تلعب دورها

ما جنيت إلا مساريك يا الليل الطويل
وما حسدت إلا مقام السما وطيورها

.....

‏انا نويت اشرح لك الوضع كله
‏واحط لك خطين تحت العباره

‏لان السكوت عن الخطا شبه عله
‏وانا ما احب الخطا برّه وداره

‏ودين الهوى مافيه مذهب ومله
‏حتى الكلام الزين رهن الاشاره

‏اخّيه من حب يجي فيه ذله
‏يحط من قدر المحب ووقاره

‏من لا يرى في عشرتي مكسب له
‏فانا ماشوف في فراقه خساره

.....

لا تتلف الروح لجل الناس ترضيها
وهم ولا يوم سوّوها على شانك

والله ماتندم على الدنيا ومافيها
لو تعرف الوقت من موتك لنسيانك

.....

‏الموده لها ميلاد ونعي
‏ولها عمر الله يرحم والديك

عمرها يحتاج تجديد وسعي
وعاقل يدمح خطا هذي بذيك


‏يامسولف سولف وعندك وعي
‏واحسب حساب الكلام اللي بيجيك

‏انت تدري ويش مشكلتك معي
‏تذكر اللي لك وتنسى اللي عليك

.....