فوق هام السحب ( الشعر الشعبي) على متن القوافي

‏بعض البشر اجمل من الشعر والبوح
واجـمل مـن الوان الرسـم والمعاني

بعض البشـر ترد في نبضك الروح
مـن تبتسـم لك يبتـدى عمـر ثانـي

....

‏يـارب أغسل غبار الكـون بالرحمه
وأغسل قلوب الخلايق من معاصيها

صدورنا من هموم الوقت منكتمه
وما فيه غيـرك يعالجهـا ويـشفيهـا

....

فاقد الأشياء يخاف من العدم
‏والرضى عنده على قدّ الجروح

‏ما انتظر بكرا ولا حرّك قدم
‏يدري إن بكرا بعد بكرا يروح

....

‏نتصالح مع زمنا وانتحارب
والفلك دوار والدنيا سريعه

اكتسبنا الصبر من كثر التجارب
واكتسبنا العز ميراث وطبيعه

....

بين الصبر والصمت والخاطر الشين
ما قلت يا ليل العنا وش جرالي

‏و من كثر صدماتي بناسٍ عزيزين
‏قمت أتحرى صدمتي من ظلالي

....

كثـــر الكـلام يحط من قدر راعيه
والصمت له عاده يصون الكرامه

سلم على اللــي ماتخونه معانيه
عن الخطأ والهــزل ينقــى كلامه

...

كم حي مــايسوى وجوده ولاشي
يضيق صدر الارض مــن ثقل دمه

وكم ميتٍ يسوى وجوده مية حي
ميت ويخدم صـيتـه عـيـال عـمـه

....

حنيني حنين اللي تسوقه جروح العام
علـى شاطئ التعـبير يوقف بعبـراته

يضيع الكلام اللي بصدر السنافي حام
وعلى ضفاف الشوق ضيّعت

....

اللي يضر الناس بتضره الناس
واللي يسوي الخير مردود خيره

طبع الزمن دوار والعرق دساس
وكلن على طبعه يرده مصيره

....

‏ياكم تمرّ ظروف وتعدّي ظروف
مانزعل من أقدارنا لا ابتلينا

تعدّي الأحلام و عيوننا تشوف
وبما كتب ربّي علينا رضينا

نطيب مانرجي من الطيب معروف
ونتجاهل أخطاء الخلايق علينا

وإذا تجاهلنا ترى ماهو بخوف
اللي منعنا تربية والدينا

....