فوق هام السحب ( الشعر الشعبي) على متن القوافي

‏من جهل خافي ضميرك لاتلومه
‏كل رايق يحسب ان الكل رايق

‏حط نفسك موقفه تعذر علومه
‏آلبشر ماهي على صدرك توايق

....

‏إما تصون اللي يبيك وتراعيه
وإلا على ماقيل أسلم وسَلم

تدور الخرايط كلها والأراضي السبّع
‏ويمرونك أغلبهم وشرواي ما مرّك

دكتور صدري من فراقه تكدر
مايركب علاجك على جسم شاعر

مابي دواء ولا بندول ومخدر
ابي دواء حق التهاب المشاعر

....

قلبي يحبك ومغرم بك
وراحة الروح في قربك

فلا تعذب حبيب قلبك
ولا تحاول تخون حبك

....

حبيبي ياقره أعياني
ياروح روحي وريحاني

حليت وحدك بوجداني
أنت الوحيد ما إلك ثاني

....

باهي الخدود أنت يافتان
ياقمري ياساجي الاعيان

يابدر في منتصف شعبان
سبحان من زينك سبحان

....

يافاتني ياعسل صافي
ريقك دوا للقلوب شافي

قهوه محوج ونسكافي
النظره منك صبوح وافي

....

أنت حبيب قلبي الغالي
حبك مخيم على بالي

لولاك ماكنت انا سالي
ولا ارتقى حبي البالي

....

الحب يا خلي من نظره
والعمر محسوب لك مره

هيا معي نحيي السمره
لاتعتذر او تقول بكره

....