فوق هام السحب ( الشعر الشعبي) على متن القوافي

ريحة الجدات جنّات البيوت
‏مستديمة في دروج الذكريات
‏
من شميم الصبح الابيض والبخوت
‏للنوايا العاطرة للأمنيات
‏
ريحة ٍ لاغيهب الوقت البهوت
‏يمتلي بأطيابها ثوب الحياة

....

البعد قرار الأصعب من تنفيذه هو إتِّخاذه

يقول جابر البطحي :
القرب ماكان له قيمة ومقياس
‏والبعد ماكان من قرب المسافة

‏

تدرون ليش قال ضيدان بن قضعان :

‏ولكن ماندمنا ليه لأن العالم الحلوين
‏يعيشون الغلا وفق القوانين السعودية

‏لأنّه قرأ هذا البيت:
الحب في أرضي يعدُّ جريمةً
‏لابورِكَت أرضي ولا عاداتي

يقول خلف الأسلمي بالخلوة مع النفس
‏نعيد بناء مايهدمه الإختلاط بالناس

وبهذا يقول طلق بن شويه :
‏ثلاث شهور وأنا أفضّل العزله عن الجلّاس
‏ماغير أمشي على طاريك وأسولف على ظلّي

ويقو ‏فهد قطنانن :
يقول الحزن دايم يجي في الإنعزال
‏أنا يوم أكون في عزلتي جداً سعيد

‏شلون تطلب غلا وأنت الغلا كله
هو فيه غيرك سكن هالقلب وأغليته

لاتشغل البال لاجاملت خلق الله
مو كل شخص يمر بالقلب حبيته

....

جامل زمانك لو حصل منه تقصير
محد تجي دنياه حسب اختياره
....

الجفول النايفه في هالزمن مامالت
‏قبلة الحسن الخيالي والمقام العالي

‏كل ماقالوا تعدوك الصبايا قالت
‏الاصايل لاحتمى الميدان تلحق تالي

الخيل؟

المرجله بين الرجال اخذ وعطاء
‏اسمعَ وخل العالم المسترجله

‏ماهوب عيب ليا اعتذرت من الخطاء
‏العذر في بعض المواقف مرجله

....

‏على شعور المحبه يحسن الله عزاي
ماعاد ابي من طيوفك شي غير الخلاص

لو اني انسى الفراق اللي مبّيح خفاي
مانيب ناسي كلامٍ مثل ضرب الرصاص

احاول أقسى على ماضيك لكن وفاي
يقول مالك عن الرجعة مفر ومناص

أنا ماجيت أختبر حبي واجرب غلاي
جيت اتطمّن عليك إنّك بخير وخلاص

....

‏ما عاد تسعدني من أيّامي أيّام

وأشياء واجد في عيوني تساوت