فوق هام السحب ( الشعر الشعبي) على متن القوافي

‏ياجعلني وان غبت ما اغيب من شر

وان جيت جعل الله يجمّل حضوري

بقلمي

‏البارحه طاري الهواجيس هدّام
‏هدّ العيون اللي هجرها منامي

‏دق الوتد ثم شيد بصدري خيام
‏فيني جها من صلف الأيام حامي

‏كنّي بقايا بيت وركونه حطام
‏ماظنتي بيفيد جمع الحطامي

....

صبـّرنا على الغالين والحظ والايام
‏
لكن الظروف احيان تكسر خواطرنا
....

دار الزمان وشفت فيه العجايــب
شفت الغلا والكره والزين والشين

وشفت القلوب الحاقده والحبايب
واللي يعيش بوجه واللي بوجهين

....

ماكل من تحسن به الظن طيّب
احيان ظنك مايجي في محلّه

مثل السراب اللي تشوفه قريّب
واليا قربته بالنظر ضاع كله

....

‏الرفيق اللي يسّر العين وينومس رفيقه

نشتريه ونشتري عرفه وحنا الرابحين
بقلمي

مسيتو بالوصل يفاقدينه

لو التواصّل بين الاحباب دايم
ماكان لـ ابيات المفارق جماهير

بقلمي

ماهمني كثرة تراحيب اللسان ولا اليدين
‏
أهم شي إن العيون مرحّبه ومهلّيه

....

لو نطاوع رغبة القلب ضعنا من زمان
‏
لكن الله حط للقلب عقلٍ يردعه

بقلمي

صدق المشاعر تصنع انسان شاعر
والناس دايم تنتظر وش جديده

عينه تشوف ان القصايد مشاعر
وهم يشوفون المشاعر قصيده

....