فوق هام السحب ( الشعر الشعبي) على متن القوافي

أضحك وخلك كبير ودوس أوجاعك
لايستفزك كلام الناس ياقلبي

أضحك وقل للذي بـيحاول اخضاعك
لن يستطيع يوم أخضاعك سوى ربي

....

اللي تجاهلني وما لَدّ صوبي
لاداعي استجدي وصاله وما اخطيت

وان كنت مُخطي يالله اغفر ذنوبي
أنت الذي تعلم بما اظهرت واخفيت

واللي يقدرني ويستر عيوبي
أقول له مشكور كفيت ووفيت

....

أبسط حقوقي شجاعٍ مايخيّب ظني
‏أبلجٍ لامن نصيته قال أنا من دونك

‏ كل مايلمح دمع عيني يقوم يغني
‏ كل حاجة هيّنه إلا دموع عيونك

....

الله يجعلني مع الناس محبوب
ويزيدني بقلوب ربعي محبه

الآدمي لاصار بالناس مرغوب
هذا دليل انه كسب حب ربه

....

‏الورد مثل الشعر فاتن وجذاب
‏اثنبنهم مصدر سعاده وراحه

‏الورد مصدرنصف خلطات الاطياب
‏وانت السعاده كان تبغى الصراحه

....

الغايب الي غيبتك مالها حد
‏وخليتني مابين عايش وغارق

‏ياليت عندك عذر يستاهل الصد
‏كان العذر أتفه من انك تفارق

....

‏ماعاد لي خاطر وﻻ عاد لي نفس
وﻻ قمت أدوّر وصل من ﻻيجيني

من قرّب بخطوه أقرب له بخمس
ومن هو تغيّر عمْد ﻻيحتريني

....

نمسي على حال ونصبح على حال
يوم ٍلنا واليوم الآخر علينا

يوم ٍسلا خاطر ويوم ٍغثا بال
طبع الزمان وحكمة الله فينا

بقلمي

ياغايبن ماغاب طاريه ع البال
ماهو بحي الله من الناس وانساه

غالي ويبقا لو بعمري الزمن طال
حبه ثبت في داخل القلب مبناه

خاف عبالك برودك يستفزني
هاي اول مره عينك ما تهزني

وحته من كتلك اريدك اني جنت
مجاملك هاي سابع ليله مامشتاكلك

شعر عراقي