فوق هام السحب ( الشعر الشعبي) على متن القوافي

النفس طابت والحياه أجبرتني
اسايّر أيامي على قدر الأمكان

والوقت قاسي والظروف أتعبتني
والحظ مايل عن مساره ولا زانّ

حتى الليالي من هّناها نستني
ماكنّ لي قلب للأفراح شفقان

زادت غرابيل الزمان وعصتني
ماصدّها موقف ولا حاجة انسان

....

إجرح وخل الجرح تذكار الايام
واظلم مادام الظلم عندك عداله

خل العيون السود ترتاح وتنام
وخل الشقي يسهر وخل العنا له

لاتلتفت لي وخل نظرتك قدام
واترك جريح الحب مالك وماله

الله حسيبك كيف حطمت الاحلام
ودمرت قلبٍ صان حبك وشاله

....

زانت بوجه ملقح القرش تلقيح
واصبح يقدم في كبار العزايم

القل حطم له رجالٍ طحاطيح
والمال شيـّخ له ضعوفٍ هلايم

....

الصاحب اللي كل ماضقت تلقاه
ودك تسمّي بيض الايام بإسمه

....

‏عليك أستلذ الشّوف وأخايلك وأرعاك
‏وأحب السوالف يوم تطريك وتجيبك

....

‏تعوّدنا على ضيق الصدور وكثرة التلويح
‏أخذنا من وداعات السنين الفايته خبرة

....

طال الغياب وفاضت اشواق مغليك
وينك تعبت أنشد عليك الليالي

انا والله ودي أعاتبك على تقصيرك
ولكن يا صاحبي انت أدرى بافعالك

....

‏يالله بحظً يعكر جو عدواني
ويالله برحمه تسوق خطاي للجنه

ويالله برزقً يفيض دمع الاعياني
من والي الارزاق لاعطى شي مامنه

....

جعل رجلٍ مايقدر وياصل والديه
مايوفّـق في حياته وربي ينكبه

وجعل من تقصر يمينه من اقرب مايليه
تنقطع يمناه من تحت مفصل منكبه

....

‏ياكثر مانصنع من الطيب ويضيع
في وجيه ماتأثر عليها الجمايل

حنا كذا نشري من الطيب مانبيع
وندوّر الجزلات قول وفعايل

....