فوق هام السحب ( الشعر الشعبي) على متن القوافي

‏
يا وليف الـروح عـندي لك سؤال
جـاوبـه بالله يا القلـب العـطوف

القصـايد فيـك ما تعـرف محـال
السبب فيـك أنت ولا فالحـروف

....

قانع من الدنيا مثل منت شايف
لو هي تجي وتقول طب وتخيّر

مافيه حاجه تستحق الحسايف
غير الرفيق الطيب إليا تغيّر

بقلمي

‏لولا الخطا ماصار للصّح قيّمه
‏ولولا وجود الصح كان الخطا دام
‏
والصاحب اللي له معزه وشيّمه
‏نحذف خطاه خلاف ونروح قدام

....

‏الصمت نعمه لكن البوح راحه
وياحظ من صمته يدله ويغويه

وياحظ من جوفه يعيش الصراحه
مايشغله هرج العرب والمشاريه

....

‏مابقى في بحة حروفي كلام
وما يھم إن قام حظي أو قعد

من تعب صدر العنا ودي أنام
نومة أهل الكھف أو أطول بعد

....

‏خذيت من مر الزمن ماكفاني
وعطيت غيري كثر ماكنت محتاج

بغيت لي حاجه وحظي عصاني
من عقبها صديت منعاً للأحراج

....

‏يامن يراقبني ترى الحرف لك إنت
تعال وإكتب وش شعورك تجاهي

تعبت ألمح لك شعوري فلاهنت
وأخاف تفهمها القلوب السواهي

....

‏مايرقد المشتاق ولا يعرف النوم
عطشان وصلك منتظر يزول همه

كنه رضيعن ماله ايام مفطوم
يبي حنان الام والصدر ضمه

....

‏بعض العرب لاحب بالحيل ينحب
وبعض العرب مايقتله غير حبه

أعظم جروح الحب لاخانك محب
وأكبر ذنوب الحب فرقا الاحبه

....

‏السوال اللي خفوقي له جواب
من سهم سلهامها صاب الهوى

والعيون اللي لقت فيني صواب
ذاب فيها خافق الذيب وعوى

جامعه مالذ للعاشق وطاب
قد تعدا الوصف حجم المحتوى

....