فوق هام السحب ( الشعر الشعبي) على متن القوافي

‏أمنتك الله لايطول غيابك
وش تنفع الدنيا بليا وجودك

يمكن غيابي مايسبب عذابك
لكن عذابي ياعذابي صدودك

غالي وتبقى غالي في غيابك
لكن يزيدك من غلاتك وجودك

....

أدمنت صوتك والإدمان أذواق
فالعين تعشق والآذان تشتاق

في رنة الحرف انغام وسلطنة
كذلك الصمت أسرار وآفاق

للعاشقين كلام الحب مسبحة
في كل لؤلؤة شهد وترياق

أحتاج صدرك فوق الغيم يحملني
سرير عشق عليه الورد اطواق

احتاج صبرك يحميني فيا ألمي
من آفة الشك فالوسواس سراق

ادمنت كلك تطويني وتنثرني
في الليل عتم وفي الإصباح إشراق

كن لي طبيبا فهذا الشوق أتلفني
يامالك الروح إن الحب أخلاق

....

ودي اكتب والقلم عيا يطيع
ما ادري الأشواق والا انت السبب

كيف اعبر والحكي مني يضيع
اسعفيني ياقواميس العرب

....

‏حسن النوايا بين الاجواد بنيان
ولايمكن يهـده زمـان العـجـايب

يـاحلـو قلبن مـاتغـيـره الازمـان
لو شاف بالدنيا هموم وعجايب

....

‏استلذ بليلتي يوم أشوفك متصل
واستلذ بطلتك رغم شح الإتصال

واستلذ بجيتك يوم تاتيني عجل
واستلذ بكلمتك كلما قلتي تعال

....

‏مظاهر الناس ماهي مثل خافيها
لاتنخدع واكثر الازوال خداعة
ٰ
اكثر نفوس البشر لو شفت مافيها
ماعاد تقبل مقابلها ولو ساعة

بقلمي

‏ليه صوتك يابحر دايم حزين
‏لاأنتفض موجك على الشاطئ ومات

‏في ظلام أعماقك أخفيت الونين
‏أسألك بالله ما اتعبك السكات

‏قال يوجعني وداع الراحلين
‏لانثروا عندي دموع الذكريات

....

‏ياكبر قدرك بعيني ولكن ماتشوف
الغلا اللي لك تجدد وفي قلبي ربا

الطواري كل يومٍ تجيبك والطيوف
والمشاعر في غيابك مراضى واتعبا

لو تاخذك الليالي وتاخذك الظروف
مانسيتك شاء من شا ويأبا من أبا

ولو مايبقى من الوصل شي الا الصدوف
مرحبا بالصدفه اللي تجيبك مرحبا

....

ياكحيل العيون الله يصيب المحبه
ماعرفت ان من بعد المواصيل فُرقى

بعض الأحيان أدور للقاء ألف سبه
لكن الحين أقول ابقى مع قلبي ابقى

كانت اوضاع قلبي يالغلا مستتبه
كنت أشوف السماء يازين من قبل زرقى

ويش ذنب المولع ياعرب ويش ذنبه
كلما دور الـراحه تخلوه يشقى

إيه لاترخصون القلب ماهو بلعبه
ألف رجال يفدونه ومليون عنقى

....

والله ان صدري معافى وخفاقي نظيف
لو اشوف الحزن في عين حسادي زعلت

الملامح بعض الاحيان تظهرني عنيف
ولا انا بالكلمه الطيبه ماقد بخلت

اقبل بوجهٍ يشرف ومنطوقٍ عفيف
ولا لقيت اللي ينقص من حضوري رحلت

اتعدا عن عيوب البشر كني كفيف
ولا تبين شيء للعين جنبت وغفلت

....