فوق هام السحب ( الشعر الشعبي) على متن القوافي

‏رح مراح اللي من كبار الخطايا معفي
‏لاتقول اخاف نظرات العرب وألسنها

‏انت حبك والله انه مثل نقطة ضعفي
‏حاجةٍ مهما حصل ماني مسولف عنها

....

جادلٍ لاشاقها البرق وأغراها الرفيف
السماء تقرأ عليها والأرض تزفّها

إن تهادت يفهق الليل برّاق القنيف
وإن مشت تمشي على الريح يوم تدفّها

وش يعذرني من الشعر فالقدّ الرهيف
كل مافلّت جعدها وحنّت كفّها

....

‏ســـود الليالي طغت يابيـــض الايامِِِ
عـــابت وخـــابت ولا بيضاء تنقيهــا

مابين جـور السـنين وجرحها الدامـي
الناس تعبـت عســى يالله تجـليهــا

يسـعد مساء الوفــأ يا حزمه الضامي
وأيامك البـيض يـــسعد لي لياليهـــا

يا شــوق يا زهــرة أيامــي وأحــلامـي
يا اعــــز عندي مــــن الدنيـا وما فيها

ان عـاد في العمر باقي جاتـك اعـوامي
العيــن ماتفقـد الا شـــوف غــاليهـا


علوي الباشا

كل الخُطى عند رب العرش محسوبه
وكل لقمة ومكتوبة لآكلها

والناس تؤمن بغيبيات محجوبه
والسر في روحها لافي هياكلها

والموت ميعادها فالتوبة التوبه
كم كافحت ناس ماانحلت مشاكلها


....

عن سماحةمستشار اللاشعور
عن فضيلة لاشعور المستشار

حدثتني فرشنر عن راف فور
عن همرعن ريز عن Gاكس آر

عن ابي رافال سوخو رابتور
عن ابي كنـجـال باتريو قـطار

عن ابي بويـنق دلفين الطيور
مفتي الأجواء قديس البحار

قال دام الله للـجـهل الـغرور
والتعاسه والفشل والانكسار

بشّر الـجاهـل بجـنّـة دار فـور
والبنات العورMade inقندهار

قله ان الجـهل جـنّه and نور
واكتساب العلم ظلمه andنار

والتطرف خير من خير الأمور
والتطور طرطره والوعي عار

والخرافه فاكـهة كـل العصور
والتناحه نافـعه والفـهم ضار

والفـضيله بين لـف وبين دور
والرذيله فـخـر صـنّـاع الـقرار

والحداثه زخرفة عـلم الدبور
واحتـقار المـعـرفه والابتـكار

واعتبار الظـاهره قـيد الظهور
جاريه والـوضع قـيد الانتظار

قلت هذا واقرأوا بين السطور
والخطاء وارد ورود الاعـتذار

ختمـها صـلوا عـلى بدر البدور
الـخيار ابن الـخيـار ابن الخيار


محمد الذياجي

أبيك تدري وانت بـ الفعل تدري
إنـي أحــبك بس انا فضـّل الصمت

تدري احـبك بس في غـير شـعـري
من دون تسمح لو امـوت ماتكلمت

طعنتني بـ الحب من خلـف ظهري
يالـــيت تدري يـ الغـلا كــم تألـمـت

وآخـر رسـاله مـنك يابـعـد عـمري
ياكم وكم منك ومنها تعلـمـت

اقـــرا الرساله كلما ضـاق صدري
وكلـمـا اقـرا الرســــاله تبسمت

....

يانجوم الليل هاتي لي خبر
من حبيبي ودي اطمن علية

كلما صبرت قلبي ماصبر
كل ساعه القلب يسالني علية

وينسأل يوم القيامه لانكر
عن حبيبا كان يطمن علية

....

‏لافقدنا شخص تكثر فالدروب أشباهه
‏كنّ وجهه في وجيـه العابرين يوزع

....

‏لايهمك كلّ نفسٍ لـ الجفا متجهه
القلوب الحانية وقت القسى معروفة

والله انّ اللي يحبّك تعرفه من وجهه
نظرته فيها حنان وبسمته مألوفة

....

خلك خفيف النفس راقي وجذاب
‏لاتصير بعيـون المخـاليـق علـه

‏اضحك وفرفش لكن بحب وآداب
‏اعرف حدود المزح واعرف محله

....