فوق هام السحب ( الشعر الشعبي) على متن القوافي

لاتوضّح ضيقتك لو تضيق الأرض فيك
‏خل في صدرك مقابر وفي وجهك حياة

بقلمي

‏ماتعودت أحني الراس بين الصفوف
‏ولا تعودت أتذرى وأدور لي ذرى

‏إن وردت آرد على العدّ والعالم تشوف
‏وإن وقفت آقف على العز والعالم ترى

‏وإن طغت سُود الليالي على وجه الظروف
‏عاد لي شيّمه ومبدأ على وجه الثرى

....

‏يفرح اليا جوه النشاما مسايير
‏وكفه كريم ولا حسب وش وراها

‏في مجلسه تلقى الدلال المباهير
‏ونفسه خفيفه والمراجل رقاها

....

تعجبني الطنخه ويعجبني الطيب
وتعجبني عزوم الرجال القويه

ويعجبني اللي يجتلد كنه الذيب
هقوات راسه فالشدايد جريه

....

ياما على وصلك ركضت وتعنيت
وفتحت لك قلبٍ من الحب تايب

وياما كسرت خاطري كل ماجيت
ارجع ودمعي فوق خدي سكايب

والحين عنك ياهوى البال صديت
حال الفراق وخاطري منك طايب

....

‏صباح الورود اللي مغلف بباقات
باقة ورود لكل واحد تصله

اهديتها عبر القصايد والابيات
لكل غالي توصله فـي محله

وفوقها اجمل سلام وتحيات
للاصدقاء بأطيب عطره وفله

وصبحكم الله بالرضا والمسرات
ياللي غلاكم ماخذ القلب كله

....

‏الصدفة اللي جابتك وإلا القدر
مدري ولكن المشاعر حيّت بك

القلب شرّع لك غلاه وما استخر
لين استراحت مُهجتي في ظلك

دايم تبشرين بـ المطر وأنتي المطر
ياللي يربّـع خاطري من جيتك

....

خِذالعفو وترفع عن الناس لويخطُون
‏ومن ظن فِيك بسُوء خله على ظِنه

بقلمي

ماكل غالي بالقصايد نوفيه
بعض الغلا في داخل القلب ذكراه

دايم لكل إنسان ميزه تحليه
وأنت بعيني شي ما ألحق أقصاه

....

ماودي افتح مع العالم ملفاتي
ولاني من اللي يدوّر عندهم خِله

أنا على نيتي وامشي بنيّاتي
ولاني بمجبور اجيب اللغز مع حله

خليت لفظ المحبّه من حساباتي
إلا محبة الي احبه لوجه الله

ماهمني ساعة الفرقى متى بتاتي
مادام عندي قناعة تبري العله

....