فوق هام السحب ( الشعر الشعبي) على متن القوافي

أحس روحي لحقها قلّ جهد وفتور
‏من كثر ما أحترت في أحلامي وحيرتها

‏عودتها كل من يبعد بعيد معذور
‏وعمرتها بالتسامح لين دمرتها

‏أحيان أقول ليت الله خلقنا طيور
‏حتى أقدر أتلاحق الفرصة لا طيرتها

‏أو ياليت ربّ مكملني بقلبٍ صبور
‏أن كان نفسي من الأوهام حررتها

....

ياللي معك يصفى المزاج المعكّر
‏من يعرفك ماشاف غيرك فقيده

‏عليك انا ممنون لك ومتشكّر
‏ياللي معك عشت الحياة الرغيده

‏لك ينفتح باب القصيد المسكّر
‏ولك تنحني كل البيوت العنيده

‏ولجلك سهرت وكل ليلـي افكّر
‏وشلون أكتب بالقصيده قصيده

....

ياسلامي على غزه ومعبر رفح
ياسلامي على القدس الشريف النظيف

ياسلامي على كمِِّن شجاع استلح
دين الاسلام منهجنا القويم الحنيف

ياسلامي على بندق جهادي قرح
في جماجم بني صهيون ينقف نقيف

ياسلامي على قائد مجاهد نصح
في جهاده وكان اشجع مقاوم مخيف

ياسلامي على السنوار ذي ماسمح
لابن صهيون يتعدى حدود الرصيف

قائد أشتد به كمِِّن بطل وارتزح
في الصفوف الاماميه مجاهد عنيف

يقذف الرعب في جيش العدو لاسرح
والكيان اليهودي في وجوده ضعيف

عاش مغوار واستشهد بطل ماطرح
وارتقى في سبيل الله مؤمن شريف


....

تعال دام الليل تـوّه بدا فيـك
لاينجلي هالليل من دون نورك

أسهر معك أسُولف وأحاكيك
واقول لك كل الخلايق حضورك

....

كلن على عرقه يمد المواجيب
وكلن على مرباه ينطق لسانه

....

قال شاعر :
من لم يزرنا والديارُ مُخيفةً
لامرحبًا بهِ والديارُ أمانُ

وقال آخر :
مُعيبٌ أن تُضاحكني نهارًا
وفِي ليل الهمومِ تفرُّ منِّي

‏مساء الخير ياللي من غلاكم
تحملنا البواطل والملامة

نقاضي بالوفا سالف وفاكم
ونسكِب فوقها طيب وشهامة

ولـو دارت على الباغي رحاكم
طحنا فوقها مده وقامة

بقلمي

خلي جديلك ينتشر بين الهبوب
‏اللي يسرّيني ليا منّه سرى

‏مخلوق من خصلات والا من قلوب
‏يبي له احباب وقصايد واشعرا

‏قولي لرمشك عن براءاته يتوب
‏لاعاد يذبحني وكنّه مادرى

....

على موعد تلاقينا ويا حلو اللقى والجوّ
سرقت من القمر ضيّه وغارت منك نجماته

وأنا أشوف الثواني كل مامرت معك تحلّو
يطيب العمر بمقابل سنَا وجهك وضحكاته

وأنا اللي ودي أنطق قبل لاتمشي حبيبي توّ
أحس الوقت تسبقني معاك أحيان ساعاته

....

حكيتي ولا أدري لين مَدّ الصباح إيديه
وأنا من العشاء ماقلت كلمة من لساني

وش بخاطرك واللي مهو بخاطرك: قوليه
مايبقى بنفسك شيء كان الله أحياني

فدى رأسك اللي يوم عفته ونفسي فيه
طريقٍ مهو لرضاك ما أجيه لو جاني

قبل تطلبيني بعت عمري وأنا شاريه
أجل وش بسوّي يوم قلتي على شاني


....