فوق هام السحب ( الشعر الشعبي) على متن القوافي

إياك لاتحزن ترى الرزق مضمون
ابذل سبب والله عليه التوافيق

اللي خلقك من العدم خالق الكون
هو الذي يرزقك في ساعة الضيق

ولا تكون أنسان بالوقت محزون
وانته تحت رحمة ولي المخاليق

....

الغسل والطيب والكهف وتلاوتها
ومسابق صفوفٍ من الصبح مجتمعه

حاجاتٍ اربع ليا فزت بحلاوتها
تغسل ذنوبك من الجمعه ليا الجمعه

بقلمي

أكثرو من الصلاة على النبي
ليله الجمعه ويومها
اللهم صل وسلم وبارك على نبينا محمد

رفيقك اليا زلْ وإلا تردى
عليك واجب ما تصد وتخليه

بكره تزل و زلتك ما تعدى
لاصرت ما تدمح خطاه وتعديه

....

أحذر تصدق في وكالة يقولون
بعض المصادر ماتجيب الحقايق

منهاجهم دايم على الكذب يمشون
جابوا كلامٍ مالقي له وثايق

ذولا هم اللي بالتناقض يسمون
كلامهم يرْفَضْ ولاهو بلايق

خدّام للشيطان للشر يسعون
ماخافوا المعبود رب الخلايق

....

خلّ في صدرك على الدنيا قبول
واعرف ان الشمس تشرق لو تغيب

وعوّد لسانك ليا ضاقت يقول
الأماني في رجا الله ماتخيب

....

احاول اتصبر ويفضحني الشوق
اعكس ملامح حبهم في عيوني

مادام باب الوصل ياشوق مغلوق
ياوحشتي من بعدهم ياَجنوني

....

‏الناس لاتبدي لها بعض الاوضاع
ماكل نيات الاوادم نظيفه

اعيون خلق الله على الزله وساع
وعن ماتسوي من جمايل كفيفه

....

بعض الغلا يستوطن النون بالعين
تحت الهدب مع غـظته وانتهاضه

ولا المحاني ضمته بين قوسين
نبض الـوريد وخفقته وانحفاظه

....

‏احفظ مقام الناس تحفظ مقامك
‏ يكبر مقامك بين عز وحشيمـه

‏خل الوصل لو كان بـس بـسلامك
والـصمت حكمه للعقوول الفهيمـه

....

الطيب رزق مقسمه راع الأرزاق
والله جعل بين المخاليك فارق

احدنً على المعروف والطيب سباق
واحدنً بنمات المخاليق غارق

....