اخترنا لكم

ودي أسوي قصيدة فيك يا أمي
‏مير ما أدري ويش أقول ويش أمجد

‏لو كتبت 2000 بيت ابخطّ دمي
‏ما تساوي دعوتك وقت التهجـد

.....

خذيت من جور الليالي تجاريب
‏ولقيت مال الادمي كود صبره

‏يصبر ولو زادت عليه الاصاعيب
‏ولو كان يقضي بالصبر كل عمره

.....

اشوف حاجات واجد خاطري فيها
‏والنفس تبغالها عزم ٍ يروضها

‏كم خلّت النفس شيٍ من مشاهيها
‏لله وانا واثق ان الله يعوضها

.....

‏كنتي ارق واحلى واجمل الحاضرين
‏فيك زين ودلال وكبرياء وخجل

‏يوم شفتك وقفتي والعرب جالسين
‏قلت فديت كبد ام العيون النجـل

‏طالعيني وشوفي العالم بنص عين
‏انتي أجمل بنات الارض وانا رجل

‏الوجيه اللي تمر تمر ماتغريني
‏ماتحرك غافية صدري ولا سمّاره

‏غير وجهن ضحكته تلزمني وتعنيني
‏فاقده ومعلّق الضحكه على مسياره

‏يبتدي فيه الشعور وينتهي به فيني
‏كنه يمر الشعور فقلبي ويختاره

.....

يستاهل الحب من⁩ ⁦ ⁦ صحّح عشانك خطاه
‏واثمر معاه التعب من غير ما يسألك

‏اللي رمى لأجل عينك كل حاجة وراه
‏ترقب عيونه رضاك وينكسر لزعلك

.....

لعنبوها حاجه ترخصك وانت محسوب
في عيون القوم ويطيح قدرك عندها

كبها لو هي ثمينه وعرضها الهبوب
وانسها لارحم ابوها على ابو جدها

.....

لا تخلي الوصل من حزه لحزه
ثم تجي بأسلوب مطرود وسارق

يا تواصلني على عز ومعزه
يا تسلم راية الحب وتفارق

.....

قدام ياقومي على العز قدام
في حلنا ترحالنا في سفرنا

على النقاء من عام لا عام لاعام
لا ما توردنا المنايا حفرنا

كم من صميدع قاسي ضرغام
نغيب لكن لا حضرنا حضرنا

واهل الردا الي بين شاني ولوام
تعمى بصايرهم متها جاء بصرنا

فتش علينا ،في مكاتيب الأقلام
واسأل علينا الارض تلقاء خبرنا

العز فينا مثل ما دين الاسلام
والمرجله ماتعشق الا صورنا

بقلمي

‏ماكل مهره ترتخي بيد خيال
ولا كل خيالٍ يقيد رسنها

بعض النساء تسوا ثمانين رجال
من طيبها ترقى وغالي ثمنها

.....