فوق هام السحب ( الشعر الشعبي) على متن القوافي

خط القلم واكتب لنا ياسليمان
اكتب لنا جعلك تطب الجناني

جعلك تطوف البيت مع كل الاركان
وتصلي الجمعة بها دور ثاني

هذا محمد مانبيعه بالاثمان
عبدٍ مطوع شاعرٍ مطرباني

قم كيَـف الطبخه ترى بان لي شان
مشتان في شانٍ وشانٍ عناني

بريَـةٍ من سوق صنعا ونجران
يعبا لها بالهيل والزعفراني

نخسر لها لو كان تغلي بالاثمان
لا هابها خطو الصبيَ الهداني

بصينٍ يبـدَى فيه ذربين الايمان
بكفوف ظفرانٍ قرومٍ ذهاني

ياراكبٍ من فوق سلسات الاقران
فجَ العضود وساسهن من عماني

فجَ العضود فخوذهن تقل بيبان
وساع الزغون موخَـرات الثفاني

ملفاك من يروي شبا مقدم الزان
عيد الركاب اللي بها الحيل واني

شيخٍ نشا بالطيب من روس قحطان
عاداتهم فكَ النشب والعواني

مطلوبكم ياشيخ به زود حقران
والذلَ مايرضي عريب المجاني

لو أن مطلوبك على مثل ماكان
خفَـت مداريجه علينا وهاني

أدرا كلامي عن عـدو وسفهان
لزَازة المجلس وجيه الحصاني

للهرج ميدانٍ وللرمي نيشان
ومفتاح صندوق الضمير اللساني


تركي بن حميد

‏ياوقت لاتبحث خفايا المخاليق*
‏ماعاد نبغى منك غير السلامه*

‏أنا السعيد إللي ملا صدره الضيق*
‏وانا الحزين إللي بكى بابتسامه

....

ياطير ياللي بالفضا عيشتك غير
‏وش حيلة اللي ضايق البال قلي*
‏
‏ياليت لي مثلك جناحين واطير
‏واشوف من هو بالغلا فاطنن لي

....

‏قلوب البشر ماني على ودها مكلوف
‏رضاها علي ماهو مدخلني الجنّه

‏عسى الله يبيض وجه من يذكر المعروف
‏يماري براع الطيب لامن حكو عنه

‏بوقت أشوف الناس تخرج عن المألوف
‏تكب الصحيح وتترك الفرض والسنّه

‏نعاف المكان اللي حشم هرجة الملقوف
‏ونعاف الجميل اللي يجي من ورا منّه

....

لاخافت النفس من ظلم البشر والسنين
‏بتعيش في خوفها وتموت في خوفها

‏ولا صار حلمك كبير وصار عقلك فطين
‏احسب حساب الليال السود وظروفها

‏وسوالف الحاقدين وضحكة الشامتين
‏بتمرها مع مرور الوقت وتطوفها

....

اسلم وسلم واخذ من شعوري ماتبيه
‏مابقى بسماء المعاذير شمـس ولا قمر

‏ودي اني ما اخسرك بـس يالله ماعليه
‏خاسرٍ قبل اخسرك هقوه وفرصة عمر

....

‏يانبـض قلبي يالعيون وهدبها
ياروح روحي ياشرايين دمي

تدري وجودك في حياتي طربها
وكني ملكت الكون لاصرت يمي

....

‏يسعد مسائك يابعد كل مخلوق
ويسعد مسائي دامني وسط قلبك

أشتاق لك واللي ذبح قلبي الشوق
أقسم برب الكون أني أحبك

....

لانفسي ارتاحت ولاقلبي ارتاح
ولا معانا فالحياه أي راحه

راح السلاء والفرح من عندنا راح
والحزن خيم وامتطي كل ساحه

ضاق الفواد اليوم من كثر الاجراح
ولالقبنا من يدواي جراحه

....

‏قلبك اللي من عذابي ما استحى
قلّه اني قد تجاوزت الجروح

وقلّه ان الحب ولّى وانمحى
وفي امان الجرح لويبغى يروح

....