فوق هام السحب ( الشعر الشعبي) على متن القوافي

الحيا يجبر خواطرنا على كتم الكلام
والحيا يجعل مشاعرنا تصون وماتخون

والسما لاماتضيق أن كان يغشاھا غمام
والصدر يبقى رحب لويمتلي ضيق وشجون

....

‏يمر العمر في قربك وأحس ان العمر لحظات
‏ليا مني بغيت اصد شوقي لك يعنيني

‏وصلت آخر محطاتك وقالوا لي قطارك فات
‏على آخر أمل جيتك وتاهت بي عناويني

‏غريب وتايه بحبك وصبري يرفض الخطوات
‏وعلى بعد المسافة بيننا داخل سكنتيني

....

ناري ماتطفى ولا نارك طفت
وعيني قبلك تبجي اذا عينك بجت

يالعزيز الما غبت عن بالي لحظه
ما اگول أنتَ بعَدت وشلون أضلمك

ومن يذكرونك گبالي
يبين بوجهي القلق لو جابوا أسمك

أنتَ نقطة ضُعفي أنتَ
ولو أحب ثاني أرد وارجع احبك

شعر عراقي

لاتسألوني وش جرى في حياتي
خلو همومي بالحشى مستقره

الصمت ثوبي والمواجع عباتي
والحزن كله وسط قلبي مقره

ولو أستعيد بواقعي ذكرياتي
أحيا وموت بثانيه ألف مررره

....

تعالي لين مايبقى مكان من الحنين الّاك
‏تعالي لين يكسرك الوله واكسر تلفّاته

‏حبيبة خاطري لاتسمعين الماضي الشكّاك
‏وانا بعدك نسيت العمر وايّامه وساعاته

‏تسافر بي نواعسْك الفريده رحلتين افلاك
‏واسافر بك قصيد اجدّده والملم اشتاته

....

‏ترى أحياناً يعشق القلب لكنها تصدّ العين
‏مثل ما أحيان تعشق عينك وقلبك يصدّ بْها

‏ياغالين المعاتب مايزين إلاّ على غالين
‏ماهو ب ناسٍ تعاتبنا وحنّا مانعاتبها

‏قلوبٍ من تجمّل عندها يلقى الجناب الزين
‏وقلوبٍ من تجمّل عندها كنه يعذّبها

....

‌‌‏إنت الغلا يا اروع الخلق والناس
‌‎وإنت السوالف بين نفسي وبيني

‌‎دايم على بالي ولكِ شوق وإحساس
‌‎ولازلت اشوفك وين ماحط عيني

....

ياسائـــلٍ عنـي وعـن كيــف حالي
اعطيك ياناشد عـن الحال توضيح

يبقى شموخـي رغــم جـور الليالـي
مثل الجبل شامخ رغم قسوة الريح

....

الحال عال العال يامن نشدني
هذا شعاري لو ظروفي عصتني

من شافني اضحك علامه حسدني
لايحسب الدنيا ابد ماكوتني

....

الحال ياللي نيتك تعرف الحال
كانك تبيها قلب والا لساني

الحال بـ لساني من العال للعال
والحال في قلبي ترا حال ثاني

....