فوق هام السحب ( الشعر الشعبي) على متن القوافي

خَطَر غُصن القَنا

وارِد على المَا نزل وادِي بنا

ومَرّ جنبِي

وِباجفانِه رَنا

نَحوي وصوَّب سِهامه واعتنى

وصاب قلبي

أنا يا بُوي انا

أمان يا نازلَ الوادي أمان

أنا يا بوي انا

أخذ قلبي وراح

وشَق صَدري بالأعيان الصحاح

يا طول هَمِّي

ويا طولَ النواح

مِن حُبّ مَن حل هجري واستباح

قَتلي وظُلمي

أنا يا بُوي انا

أمان يا نازل الوادي أمان

أنا يا بوي انا

لِمَه تقسى لِمَه

وتُهجر ابصر حبيبك ما ارحمه

هايم بحبّك

جمالك تيّمه

وطول صدك وبعدك سمسمه

ما أشد قلبك

أنا يا بوي انا

أمان يا نازل الوادي أمان

أنا يا بوي أنا

وذكرك في فَمه

غُنوَةْ وحبَّك جرى مجرى دَمه

يحلم بقربك

ترفَّقْ وارحَمه
لا تعدمه بالجفا شا تِعدَمه

والذنب ذنبك

أنا يا بوي انا

أمان يا نازل الوادي أمان

أنا يا بوي أنا


مطهر علي الارياني

ياهلي يا ليتني داله سالي
وياليت قلبي ماتولع بمضنونه

لاهو بولد عمي ولا هو بولد خالي
وش اسوي يوم ربي بلاني به

ياهلي حطوا على قبري اظلالي
لاحيث مروا الاجاويد يوطونه

ياهلي ان كان سيدي على ظنه
مايطاوع هرج من كان نقادي

يافهد جعل العزايم تولم له
جعله من الصال والنار الوقادي

سامري

هيضوني تالي الليل ياظافر
هيضوني بطاري عرسا يدفونه

صابر والقلب ما اهو صابر
كيف بصبر داخل الي يزفونه

لو شافوا حالتي تكسر الخاطر
مثل ذاك الي عجوز يدلونه

لي ثلاث سنين ياخوي انا صابر
مثل ذاك الي اليتيم يجرونه

ناس من حولي رقود وانا سهر
زادت همومي وشفته يضرعونه


سامري

سلّموا لي على اللي سمّ حالي فـراقه
حسبي الله على اللي حال بيني وبينـه

قايد الريـم تاخذنـي عليـه الشفـاقه
ليتني طول عمري دبلةٍ في يمينه

لا ذكرت الليالي اللي مضت والصداقه
عوّد القلب يرجف مثل رجف المكينه

عقب ما هو نديمي صار شوفه شفاقه
تل عرق الموده واقطعه بيمينه

....

مرحبا ياذنبي اللي ماكنّه من الذنوب
ماني بـ قايل لدرب الهدايه ودّني

والله إن قلبك مبدا على كل القلوب
مثل مابدّيت قلبك عليهم بدّني

ماحدٍ قد ضدّني فالمعارك والحروب
بس مدري كيف سلهام عينك ضدّني

خاطرك يستاهل أرضيه لو تزعل شعوب
والله إن أرضيه لو الزمان يحدّني

لاتحاتي ياحبيبي متاهات الدروب
كل ما زلّيت عن درب حبك قدّني

سدّك من الحب ماجاك يا أرق القلوب
ولّا انا كلمه من أربع حروف تسدّني

هدّني من روع فرقاك يا أعّز محبوب
طالبك في كل ليله تعال وهدّني

وكل ما استغفرت ربي وقررت أتوب
قامت أنسام الهبايب عليك تردني

....

‏ابشرك ماعاد في قلبي انسان
يستاهل انه يرتوي من جروحي

اللي عطاني بعد وجروح واحزان
ماضنتي يستاهل اعطيه روحي

....

الله عـطاه الحـسن وللحـسن حساد
والله عطـاها مـن القـمر كـل ضيه

قيـس الـملـوح لـو لمـح ثغـرها زاد
انـي رأيـت الـجمر حول الــثنـيه

رايـتـهـا عـيـدٍ ولا غــيـرهـا اعـيــاد
اواه انـسـتـنـي بــهـا الـــعامـريـه

ولو شاف رسمة خصرها ابن شــداد
ضيـع مـعـالـم عبلـــه السرمديـه

وانشــد لهــا شعـر تـكــرر ويـــنعاد
مـاجـابـت الشعــار بـالشـعر زيــه

وانشد لها شعــر الغزل وقت الانشاد
غــنت بــه الشــعـار بـالجـــاهـلـيـه


رذاذ الحبر

ينجرح قلب ولكن ترتفع هامه
والله اني لأموت ولكن ما أنحنى راسي

لو زماني رماني وسط دوامه
العواصف شديدة والجبل راسي

انقل الحزن وامشي منتصب قامه
قاسي الوقت لكني بعد قاسي

مساعدالرشيدي

انشوفها عوجا ونترك عوجها
تكرم لحانا عن هروج الرديين

وان كان نقال النمايم هرجها
انصد ماكنا عن الهرج دارين

....

حنا بدينا فالغلا والحب والمقصد شريف
‏عيوننا متفاهمه وقلوبنا متوالفه
‏
‏قمنا نسولف عن سواليف الوليف معْ الوليف
‏وارتحت لك والسالفه قامت تجر السالفه

....