فوق هام السحب ( الشعر الشعبي) على متن القوافي

العلوم الطيبه ماهيب ملك محصور
ملك كل الناس والناس كل وجهده

لكن الطيب ليا طاب مابطيبه قصور
دايم وطيبه ليا طاب ياطول أمده

والـردي طيبـه وضيـفه على بنـد الاجـور
لو يطيب اليـوم بكره تخاف من انكده


لافي الغيداني

أكتب ويبقى الشّعر في حقّك شوَيْ
أبني حروف الوصف وتطـيح دونِك

يـاجعـلني فـدوة عيـونـِك وأنـا حَيْ
وإن مت جعـل الكون يفدا عيـونِك

ياحظ ربعِك فيك يابارد الفَيْ
إنتي الرّبيع إللّي تمايل غصونِك

....

لك ثلاث أيام والشرح في عينك يطول
‏ودك تفضفض ولا أدري وش اللي عايقك

‏أبتسم مال للحزن في سناء وجهك قبول
‏ولا تضيق الله يضيّق على من ضايقك

....

‏عشقتها واهديتها القلب والبوح
واذوب كلي شوق في كف يدها

المهره اللي تفتح النفس والروح
تكسر يمين اللي يدور نكدها

....

‏واجب نمسيكم ونسئل عليكم
ياكل متفاعل وحاضر وغايب

بالخير يسعدكم وينعم مساكم
يامبدعين يامرسلين المواهب

مني اليكم مع التحية

تزاحمت بالصدر بعض العبارات
‏وفضلت عن بعض الكلام السكوتي

‏واخذت لي هدنه ووقفه مع الذات
‏حتي اختفت بالحلق نبرات صوتي

....

‏اتابعك من دون تدري ولاتشوف
‏شتاق لك وان قلت لـيه مدري

‏اتابعك وان غبت يرعبني الخوف
‏واهتم لـ امرك كني اهتم ل امري

....

تعال اضمك ضمة انسـان شفقان
شاركتـه بعطره ونبضه وهمه

ماني مغير عطر ضمات الاحضان
لاحتجته بلحظه معي قمت اشمه

....

ظروف الايام مثل السمعه الشينه
ما ودك اتشوفها في واحدٍ غالي

....

أشتقت لـ انسان لكن كيف اوضح له
أخاف لو قلت انا مشـتاق له يغتر

أشتقت له شوق واجد لعن ابو شكله
ما أجمله حينما يمشي ويتبختر

كلمة صباح السعاده تعتبر قُبله
مِن مَبسمه لانطقها داخلي يحتر

....