فوق هام السحب ( الشعر الشعبي) على متن القوافي

جارب علمتنا وصمينا الدروس
نعرف النفس المريضة ونعرف طبها

....

لعل ودّانٍ من المزن وجها
قام يترزّم في تواليه ثجّاج

برقه على كبد السما لا فلجها
طلسم طبيبٍ كاتبٍ وصفة علاج


سعد بن جدلان

‏هذا زمان الشك والوسواس
‏الوضع من جرفٍ لدحديره

‏لاتقول للمقفي عسى ماباس
‏خله وشف لك صاحب ٍ غيره

‏ترى الرفيق إليا غدا حساس
‏شرّه يبي يطغى على خيره

‏واللي يبي يسمع كلام الناس
‏ماهوب والله رايح ٍ ديره

...

تغريني البسمه على وجهك الزين
‏مثل مايغريني المطر في بلادي

‏ياللي لك الدنيا على ماتحبين
‏حبيني وخلي المبادي مبادي

‏أنا ضحيه غمزتين وهدب عين
‏يوم اعترضتي لي وانا كنت هادي

‏مقفلً باب المحبه بقفلين
‏لا انشد عن المقبل ولا ارد غادي

‏سلهامة عيونك لو انك تشوفين
‏قامت تغرب بي مع كل وادي

‏احب وجهك من ضميري وتدرين
‏اني ليا حبيت مانيب عادي

....

‏لعنبوها عيونها تذبح بدون سلاح
‏ما تمهل المذبوح نطق الشهاده

‏في رمشها الأيمن سكاكين ورماح
‏وفي رمشها الأيسر حقوق السياده

....

الكبير أي شي منّه يجي مثله كبير
أنت نصف الأرض والنصف الآخر ناسها

أهْدني أي شيء أي شيء لو إنّه صغير
الهدايا ماتهم المهم إحساسها

....

‏ياكمً عاشقً من دون خلّه حداه الريب
‏ظروف الليال القشَر مجبرته ايغيّب

‏ماكنه يقول الّا ماواجهت غير الطيب
‏ماينسى وليفً كنّه الماطر الصيّب

‏تشيب الملامح والشعر يكتسيه الشيب
‏ويثقل مسير الرَجل والقلب ماشيّب

....

‏ياحفيدة متعبين الخيل مروين الهنادي
‏كل بيتً فيك يلبس له عن الابيات زيِنه

‏لاتلوميني ليا من جيت لك كلي مفادي
‏من يشوفك مستعد يسوق لك عمره رهينه

‏في وصوفك يعجز لساني ولا يعجز فؤادي
‏يوصلك شعري من الاعماق كنّك تخطفينه

....

‏بعض الشجر لو يبطي الغيم ما أسقاه
‏يموت راس الغصن والجذع نابت
‏
‏مثل الكفوو صلف الزمن لو تحداه
‏تشوف حاله شين والطيب ثابت

....

‏وين انت لك مده عن العين غايب
‏لاحس لاصوره والا منك مرسول

‏اسوق صوبك يالخفوق الركايب
‏ركايب الاشواق لوكنت مشغول

....