فوق هام السحب ( الشعر الشعبي) على متن القوافي

لاجيت تقرا في قصيدي عبارات
لاتفسر المعنى على شي تبغيه

ترا المهم انك تمعن بالابيات
تقرا قصيدي ثم تفهم معانيه

واعرف ترا مابين الابيات شارات
قليل من يفهم من الناس خافيه

....

‏أبتسم للوقت واضحك للحياة
لايروح العمر في هم ونكد

عيش يومك واحتسب للي وراه
من يعد الوقت يبلش في العدد

....

القول والفعل غير الشوف والمنظر
ماكل من جاء بثوب الصدق صدّقته

مايظهر الفرق بين الملح والسكر
وتعرف الحالي الا ... لاتذوقته

....

‏تدري وش اجمل شي بعيون الانسان
‏انه يشوف انسان يسوى عيونه

‏يعني تشوف الناس في كل الاحيان
‏وتحس كل الكون غايب بدونه

....

‏لك الله ياقلبٍ تعاين بك الجراح
‏حداك الزمان وغير الوقت دقاتك

‏عقب منت خالي من هموم الشقا مرتاح
‏تمايل بك ايامك على عكس مشهاتك

‏تصبرت لين الجرح عمّر وزاد اجراح
‏وحظك تردى في طموحك وهقواتك

‏سلامات والايام ماترجع اللي راح
‏تصبّر ولو زيفت واقع معاناتك

....

‏كل البشَر مافيهمِ انسان كامل
‏الكل منا عنده أخطاه و ذنوب

‏واكبر خَطأ فيّ الـناس سوءْ التعامل
‏واكبر ذنوب الناس تذنبْ ولا تتوب

بقلمي

القلب وش خلاه مخنوق الانفاس
بين الضلوع العوج ينزف وريده

الا الفراق وغربة الناس للناس
وبعض السوالف والعلوم المكيده

....

‏ياصاحبي لايضايقك الزمان وغثاه
الامر لامن قسى لابد بانه يلين

اصبر على ما ابتلاك الله واشكر عطاه
بشارة الله لنا .. { وبشر الصّابرين }

بقلمي

‏سولف عساني ما افقدك في حياتي
سولف وبادلني شعورك و الاشواق

سولف وريح خاطري ياغناتي
سولف وطفي ناري اللي بالاعماق

سولف ورب البيت هرجك هواتي
سولف كلامك ذوق مابعده اذواق

سولف واسعدني واجمـع شتاتي
سولف انا لك يالغلا حيل مشتاق

....

‏أربع تسر النفس وتجيـب ارتياح
‏صوت المطر والثانيه شوف الربيع

‏والثالثه لاقيل حيّ للفلاح
‏والرابعه خوّة هل الصدر الوسيع

ذائقة