فوق هام السحب ( الشعر الشعبي) على متن القوافي

اهجر انا كالطير لاضاق صدري
واترك هموم القلب خلفي والاجراح

محتاج انا للحرف في تيه فكري
مثل الغريب اللي غدا اليوم سواح

بين القراطيس الحزينة وحبري
يرسم مساري والكتابة لها اجناح

اصبر وانا المحزون واحيان صبري
يكسر جناحه شدة الحزن وارياح

حتى القلم يخفين بسكات سري
لكن خفايا الحرف عالدوم فضاح

....

وأنت تدري عن مكانك وتقديره
‏شوفتك لو هي من بعيد تنفعني

‏والقدر لو هو على الكيف تغييره
‏معك أخلي بيض الأيام تجمعني

....

‏لاتسولف لي عن الجو وجماله
زولك اللي جمّل الجو بعيوني

عاشقك ياغايتي واسع خياله
جامله لو كان تفكيره جنوني

....

نحترم من يستحق الاحترام
والرزين اللي مصفّي نيّته

انتعنى للكفو وأهل المقام
والردي تحرم علينا جيّته

....

النفس طابت من كثير المعاذير
لاعاد ترسم للعلاقه علامه

ان جيتني تلقى معزه وتقدير
وان رحت تلقى ف الطريق السلامه

....

لاطابت النفس العزيزه من انسان
ماعاد يسوى في نظرها ولاشي

تجوز عن رفقته لو كان ماكان
وتقفي كما تقفي عن الميت الحي

بقلمي

تجمل و كلمني و الاشواق ما تخفاك
تراني على الجرف المهايل من البارح

جعل هرجك الجارح بعد غيبتك يفداك
غيابك بدون اسباب هذا هو الجارح

....

يا فخامة حضــورك بين كل الحضور
تلتغي مع حضورك كل شيخة جمال

الدلـع والتـــباهي والفخـــر والغرور
لو تحرم على غــيرك لك انتي حلال

....

‏قـالـوا تدفـا والبس البشت والكـوت
قـلـت الـدفـا ضمـة مـتون المـواليف

الجـادل اللـي صبلي سحــــر تـاروت
قهوى عروقي نشوة الذوق والكيف

ابــو ثـنـايـا لــذة الـشـهــد والـتـوت
من نظرته يجعل صقيع الشتا صيف

....

ينتقدك اللي مايوصل مستواك
والتطفل شيئ ناتج عن ملل

لاتضايقك السوالف من وراك
هالفئة هذي تعاني من خلل

بقلمي