فوق هام السحب ( الشعر الشعبي) على متن القوافي

لاصد عنك اللي تعزه وتغليه
خله ولا تاخذك كثر الحسايف

يمكن ظروفه غيرت من مباديه
ويمكن لقى غيرك ربوع وولايف

....

لو صدري من البطا والبعد متواقد
والشوق يرخي وثيق الحبل ويتله

ماكل مفقودٍ يوجد له بدل فاقد
من ندرة الشي ماتلقى شبيهٍ له

....

‏طبعي ضحوك وخاطري دوم مرتاح
‏ماشيل في قلبي على الناس حاجه

‏مع الجميع اعيش يومي بالافـراح
‏طبعـي كـذا سيـده ولا بـه عواجه

....

‏ذبحني غيابـك يامـن الروح لك بيت
والقلـب فاقــد لك من اعماق ذاته

بكيـــت مــن بُعــدك عليـا وونيت
ونت مصــاب اليـآس دمــر حياته

في كـل لحظـــه لاذكرتــك ووليت
اصيــح لك من قلب واضح شتاته

فيك الامل ياللي في القلب حليت
وانت الحيــاه للروح وانت امنياته

....

‏بعض البشر عالي مقامه ولو غاب
مثل النقوش اللي بقت في حَجرها

مرّت عليها دهور وعصور واحقاب
عيّت تروح اخلآص للي حفرها

....

‏صبرك على الدنيا ولا منة الناس
خلك سما ومن القدر لاتضايق

من طاح فالدنيا وهو رافع الراس
ماطاح قدره من عيون الخلايق

...

‏تمرّنِي ذكرى ليالي قديمة
في محتواها سالفة عمر وأحلام

شوق وصفا قلب ونوايا سليمة
ما اقول غير الله على ذييك الأيام

بقلمي

‏شفت الزمن وشلون يقسى علينا
صرنا انا وياك في حبنا اغراب

مدري من الدنيا او العيب فينا
صرنا نتجاهل بعضنا دون اسباب

....

‏ي ليل يعجبني سكونك وهاويك
‏مغير انا وياك والناس نامت

‏فكري لقاله راحتٍ في مساريك
‏والنفس في مسرى لياليك هامت

....

الــرزق بيـد الله خـلاق البشــر
وهاكذا الدنياتجي موجةبموج

ايـام يبـسط رزقنـا مثل المطـر
وايـام تـتـعسـر ونتمنـا الفـروج

....