فوق هام السحب ( الشعر الشعبي) على متن القوافي

‏مرحبا يانفحت الصبح ونسيمه
اشرقت الانوار من كل النواحي

وجهك اللي يا عسا ربي يديمه
مصدر البهجة وسر الانشراحي

طلتك ياصاحبي لفته كريمه
جعله ابرك طلةٍ وابرك صباحي

....

‏تدري وش اللي ماتغير ولا شي
ذاك الغلا اللي لك بقلبي دفنته

تدري وش اللي في خفوقي بعد حي
ذاك الشعور اللي ذبحني بصمته

....

‏يا هاجســــي اصبحت بالفكر محتار
واصبح خيالــــي فـي مراحل بعيده

فـــزات عينـــي بالسهــر نومها طار
واشـــواق قلبـي نابعـــه من وريده

فكرت ايش ارسل للاصحاب واختار
وايش الذي يسوى غلاهــم وازيده

ماغيـــر أدون ذكرهـم بين الاشعار
واكتب غلى الاحباب داخل قصيده

....

‏الصمت كافـي بالتعابير يا ناس
لاصار كثر الهرج ماله معاني

كثر الأمل زود حياتي بالاتعاس
واتعب خفوق الصدر بين المحاني

ياناس هم الوقت شيب لي الراس
والحظ عاثر مالحظي ضماني

والوضع ياعالم رماني في الياس
حتى اظلمت بالوجه كل الاماني

....

‏البرد لهفة شوق والليل ساكن
وانا تشفقت اللقاء وأحتريتك

ما شفت قلبي والعيون يتشاكن
أغير منهم من كثر ما هويتك

سريت لك مشتاق والليل داكن
يستر ظلامه وقفتي عند قلبك

تقول حبك بين الأضلاع راكن
وأقول هذا اللي ذبحني وجيتك

....

تجيني علومك من مسافات وابعاد
وارتاح يوم اسمع علومك بخيره

واقول يامرسي في الارض الاوتاد
تجعل حظوظه بالسعاده كثيره

عِز الرفيق اللي له القلب ينقاد
واللي بوسط الروح مابه نظيره

ولوكان حولي غيرك اعداد واعداد
انت الوحيد اللي غلاتك كبيره

....

‌‏أبيك مثل الورد في الروح مزروع
والروح والاحساس والنفس بيتك

أبيك مثل النور في العين مطبوع
وأنظرك يوم أشتاق شوفك فديتك

أبيك مثل الطير له صوت مسموع
صوتك يداعب مسمعي لو بغيتك

....

‏اليـــوم انا مرتاح والقلـــــب مرتاح
وفيني سعـــاده ماليـــه كل كوني

اضحك ووجهي بالمسرات وضاح
وسرالسعاده واضحه في عيوني

يارب اسالك ديــم لي كل الافراح
وديــم لي كـل السعـاده بكوني

وابعد همومــي يا الهي والاجراح
وفــي حياتــي لاتخيــب ظنوني

....

أنا أكثر السكّات وأكثر من يسولف بالعيون
‏سعيد لأن أكثر خساراتي ماكانت من يدي

‏لولا الهقاوي ماعرفنا الصالحون السيئون
‏عيب الليالي ماتشين الا على صدر أجودي

‏صحيح من قال البشر ماهي على حسب الظنون
‏كنت أحسبك طيّب وتحسبني على ظنّك ردي

....

‏لاتنشد الشوق عني ونت أدرابي
‏نفسي تمناك ونت أغلى حبايبها

أغلى من عيوني الثنتين وأصحابي
‏وأغلى من الناس حاضرها وغايبها

....