فوق هام السحب ( الشعر الشعبي) على متن القوافي

شابعٍ من وش جديدك ومن صبّ العلوم
‏ومن سوالف طوّل البال والدنيا يسر

‏لي ثلاث سنين قلبي تخاطفه الهموم
‏شف وضعي ما يطمن وحالي ما يسرّ

‏لو تقوّيت وتصبرت من فوق اللزوم
‏خاطري من سود الايام مكسورٍ كسر

‏ضيقةٍ عيّت تفارق وحزن وقلّ نوم
‏وعينٍ اليا شافت النوم قالت قمّ واسر

....

خل في صدرك على الدنيا قبول
‏واعرف ان الشمس تشرق لو تغيب

‏وعوّد لسانك ليا ضاقت يقول
‏الأماني في رجى اللّٰه ماتخيب

....

حنيت له والقلب بالبعد مجبور
‏وش حيلتي لا اشتقت له ومالقيته

....

فاقدٍ لي عمر من عمري وفاقد وجه نير
‏كان قربه من متاهات العمر مخرج طواري
....

حنا على الدنيا ودايع وأمانات
‏والموت يأخذ كل يوم ً وداعه

‏نحسب حساب أرباحنا في التحيات
‏وليا خسرنا مانصلي جماعه

‏نجمع وسخ دنيا ونجمع عقارات
‏ونخسر بنفس الوقت كنز القناعه

‏ونبني مع كل الاوادم علاقات
‏وحنا مع رب الاوادم قطاعه

....

الطيب ماهو سهل والا الردا هّين
‏والناس بالطيّبه تشرا وتنباعي

‏والمنطق المحترم والجانب الليّن
‏اطيب من الكلمه اللي مالها داعي

....

‏رماني الدهرُ بالأرزاءِ حتّى
فؤادي في غشاءٍ من نِبالِ

فصرْتُ إذا أصابتني سِهامٌ
تكسّرتِ النِّصالُ على النِّصالِ

المتنبي

يامن غرامك داخل الدم يسري
ووسط قلبي لك لحالك مساحه

بدري على بعد المحبين بدري
يامن خدوده ناعمه كاالتفاحه

ياليت صدرك لو يعانق لصدري
في ضمتك جنه وفسحه وراحه

مافارقك لو سرت في وسط قبري
بعدك يسبب ياحبيبي انطفاحه

قلبي يحبك حب ان كنت تدري
يابدر لانور ملا كل ساحه

....

فارقت كل الخلق من بعد فرقاك
مالي سوى طيفٍ مع الفجر يسري

عيني غشاها الدمع لاحل طرياك
غصبٍ علي حبك مع الدم يجري

ساعدني أبعد عن همومي وذكراك
ساعدني أطوي كل جرحًٍ بصدري

....

صورتك في عيني وفي القلب طاريك
تعال شوف بدنيتي وش مكانك

ان جيت كل دقات قلبي تحييك
وان رحت يكفيني بقايا حنانك

أعاهدك مايوم ممكن أخليك
وماعاش من ياخذ بقلبي مكانك

....