فوق هام السحب ( الشعر الشعبي) على متن القوافي

ابشرك ماعـاد لك عندي عتاب
‏ولاعاد عندي بالزمن شي اخافه

‏اسلم وسلم لي على كل من غاب
‏الخاطر إليا عاف له شي عافه

....

أبكي لأنك كنت نازل بصدري
‏وشلون تنزل في مكان وتضرّه

‏ليت النهاية كانت شوي بدري
‏يمكن قدرت أسامحك وأتشرّه

‏وبتدوّر من بين النسا لين تدري
‏إنك خسرت أندر نساء المجرّه

....

‏رسالتي لك....

من تمارض مَرِض
‏ومن تفاقر افتقر
‏ومن تذلل ذُل
‏ومن تهاون هان
‏ومن اعتزَّ عز
‏ومن استحصن حُصن
‏ومن استعصم عُصم
‏أنت حصيلة ماتمليه على نفسك

بقلمي

إييه أحبك لعنبو ابليس الهيام
كثر شوق العين لطيوف اللقى

رحت من عندي وفي قلبي كلام
ويوه ي كثر الكلام اللي بقى

....

‏الله خلقها حشيمه من سلالة حشام
ماتطاوع النفس في حاجه وتحتالها

كريمة شعور لو ما دبعض الأوادم كرام
لو طالوا الغيم محدٍ منهم طالها

تسكت مثل نظرةٍ تسوى جميع الكلام
تأخذ من الصمت عزو من الكبر فالها

كن وجهها العذر من شافه يطيح الملام
حظيظ منهو على الدنيا يمر بالها

....

أكبر هموم القلب تركك للصلاه
والا ترى الـدنيا مشاكلها تهون

ماتستريح النفس وتزين الحياه
الا مع اللي يركعون ويسجدون

....

‏شبّ ضوّك في حنايا الصدر لابرد زماني
واحرق الفرقا بنار الوصل واشبعني سكينه

غايتي ومناي وأحلامي وذكراي وكياني
كلها تفداك ويفداك العمر واغلى سنينه

من خذا ربع اهتمامك في حياته لو ثواني
ينجلي همّه ويضحك خاطره وتجفّ عينه

....

ماكل فعل ٍ تنضرب فيه الأمثال
الفعل كايد والكلام بسهوله

فعل ٍ يموت وفعل يبقى للأجيال
وفعل ٍ تبيه الناس ماحد يطوله

....

انا ماني بني عم الرخوم الضعوف
الي كل منحكى بضهري صفقوله

بني عمي رجال مايعرفون الخوف
عزوتي لاغزاني الضيق وقفوله

....

‏غير الوفاء والطيب لا ماتخيّرت
‏لو مالت الأيام ماني بمايل

‏باقي على ساق الوفاء ماتغيّرت
‏تسوقني الشيمة وأسوق الجمايل

....